ورتالىقتىڭ ماقساتى – وبلىستاعى وسال توپتاعى وتباسىلارعا بارلىق باعىتتا كەشەندى كومەك كورسەتۋ. نىساننىڭ اشىلۋ سالتاناتىنا جامبىل وبلىسىنىڭ اكىمى بەردىبەك ساپارباەۆ قاتىسىپ, ءوز سوزىندە «Nur وtan» پارتياسىنىڭ «باقىتتى وتباسى» جوباسى اياسىندا جۇزەگە اسقان وتباسى ورتالىعىنىڭ وسال توپتارعا وزىق ۇلگىدە قىزمەت كورسەتەتىنىن ءارى تابىسى تومەن وتباسىلارعا ءتيىمدى ۇسىنىستار بەرەتىنىن ايتتى. اتالعان كەشەن 4 باعىتتا جۇمىس ىستەيدى. پسيحولوگيالىق, قۇقىقتىق جانە الەۋمەتتىك كەڭەس باعىتى بويىنشا مۇندا تۇرعىندار كەرەك كەڭەستەرىن السا, «باقىتتى وتباسى» يپوتەكالىق باعدارلاماسى بويىنشا جۇمىستاردى ۇيلەستىرۋ, جۇمىسپەن قامتۋ شارالارىن قامتاماسىز ەتۋ, جومارت جانداردىڭ قايىرىمدىلىق كومەكتەرىن ۇيىمداستىرۋ شارالارى ىسكە اسىرىلاتىن بولادى. ورتالىقتاعى پسيحولوگتار, الەۋمەتتىك قىزمەتكەرلەر, زاڭگەرلەر مەن مەدياتورلار حالىققا كەرەكتى كومەكتەردى كورسەتەدى. سونداي-اق, جەڭىلدەتىلگەن نەسيە, قايتا دايارلاۋ جانە جۇمىسقا ورنالاسۋ, الەۋمەتتىك تولەمدەر مەن جاردەماقىلار تولەۋ ماسەلەلەرى بويىنشا ءتۇسىندىرۋ, اقپاراتتاندىرۋ جۇمىستارى جۇرگىزىلەدى.
تۇرعىندار ءۇشىن تاعى ءبىر تيىمدىلىك, «باقىتتى وتباسى» باعدارلاماسى بويىنشا وڭىردەگى تابىسى تومەن وتباسىلارعا «قازاقستاننىڭ تۇرعىن ءۇي قۇرىلىس جيناق بانكى» ارقىلى 2 پايىزدىق يپوتەكالىق نەسيە الۋعا كومەك كورسەتىلەدى. بۇگىندە وبلىستا 32,6 مىڭ كوپبالالى, 15 مىڭعا جۋىق اتاۋلى الەۋمەتتىك كومەككە ءزارۋ وتباسىلار جانە 45,9 مىڭ مۇمكىندىگى شەكتەۋلى ازاماتتار بار.
جامبىل وبلىسى
