كەز كەلگەن مەملەكەتتىڭ باستاۋ الار نۇكتەسى – مەملەكەتتىك شەكارا. ەلدىڭ تىنىشتىعى مەملەكەتتىك شەكارانىڭ بەرىك كۇزەتىلۋىمەن تىكەلەي بايلانىستى. 1992 جىلدىڭ 18 تامىزىندا قازاقستان رەسپۋبليكاسىنىڭ پرەزيدەنتى ن.ءا.نازارباەۆتىڭ جارلىعىمەن شاڭىراق كوتەرگەن ۇقك شەكارا قىزمەتى وسى جىلدار ارالىعىندا تالاي بەلەستەردى ارتقا تاستادى. مەرەكە قارساڭىندا ءبىز قر ۇقك توراعاسىنىڭ ورىنباسارى – شەكارا قىزمەتىنىڭ ديرەكتورى, گەنەرال-لەيتەنانت نۇرلان جولامانوۆپەن كەزدەسىپ, شەكاراشىلاردىڭ بۇگىنگى تىنىس-ءتىرشىلىگى جايلى سۇحباتتاسقان ەدىك.
كەز كەلگەن مەملەكەتتىڭ باستاۋ الار نۇكتەسى – مەملەكەتتىك شەكارا. ەلدىڭ تىنىشتىعى مەملەكەتتىك شەكارانىڭ بەرىك كۇزەتىلۋىمەن تىكەلەي بايلانىستى. 1992 جىلدىڭ 18 تامىزىندا قازاقستان رەسپۋبليكاسىنىڭ پرەزيدەنتى ن.ءا.نازارباەۆتىڭ جارلىعىمەن شاڭىراق كوتەرگەن ۇقك شەكارا قىزمەتى وسى جىلدار ارالىعىندا تالاي بەلەستەردى ارتقا تاستادى. مەرەكە قارساڭىندا ءبىز قر ۇقك توراعاسىنىڭ ورىنباسارى – شەكارا قىزمەتىنىڭ ديرەكتورى, گەنەرال-لەيتەنانت نۇرلان جولامانوۆپەن كەزدەسىپ, شەكاراشىلاردىڭ بۇگىنگى تىنىس-ءتىرشىلىگى جايلى سۇحباتتاسقان ەدىك.
– نۇرلان ايتمان ۇلى, شەكارا قىزمەتىنىڭ باسشىلىعىنا كەلگەنىڭىزگە جەتى ايدىڭ ءجۇزى بولدى. بۇل از دا, كوپ تە ۋاقىت ەمەس. ال قىزمەتىڭىزدى نەدەن باستادىڭىز؟
– قازاقستان رەسپۋبليكاسىنىڭ پرەزيدەنتى – قارۋلى كۇشتەرىمىزدىڭ جوعارعى باس قولباسشىسى نۇرسۇلتان ءابىش ۇلى نازارباەۆتىڭ وكىمىمەن ۇقك توراعاسىنىڭ ورىنباسارى – شەكارا قىزمەتىنىڭ ديرەكتورى بولىپ تاعايىندالعانىما, جاڭا ءوزىڭىز ايتقانداي, جەتىنشى ايدان اسىپ بارادى. شەكارا قىزمەتىنە باسشىلىققا كەلگەنىمدە, ۆەدومستۆوداعى جاعداي كوپكە بەلگىلى ەدى. وسىنىڭ الدىندا عانا, 2012 جىلدىڭ جەلتوقسان ايىندا ۇقك شەكارا قىزمەتىنىڭ ءبىر توپ بىلىكتى وفيتسەرلەرى ۇشاق اپاتىنان مەرت بولدى. وتكەن جازداعى «ارقانكەرگەن» شەكارا بەكەتىندەگى ورىن العان توتەنشە وقيعا دا شەكاراشىلار جايلى قالىپتاسقان قوعامدىق وڭ پىكىرگە كولەڭكە ءتۇسىردى.
قانداي جاعداي ورىن الماسىن, شەكارا قىزمەتىنە مەملەكەتتىك شەكارانى سىزاتسىز كۇزەتۋ مىندەتى جۇكتەلگەنىن ۇمىتپاۋىمىز كەرەك. ۇستىمىزدەگى جىلدىڭ 30 قاڭتارىندا پرەزيدەنت ن.ءا.نازارباەۆتىڭ توراعالىعىمەن ءوتكەن قۇقىق قورعاۋ ورگاندارى جەتەكشىلەرىنىڭ باسىن قوسقان جينالىستاعى مىندەتتەر مەن تالاپتاردى بارلىق دەڭگەيدەگى باسشىلارعا جەتكىزۋ ماقساتىندا اقپان ايىنىڭ باسىندا اۋقىمدى جينالىس وتكىزدىك. ەسىڭىزگە سالا كەتەيىن, وتكەن جىلدىڭ جەلتوقسانىنداعى مەملەكەت باسشىسىنىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى جولداۋىندا: «شەكارا قىزمەتىنىڭ اۋقىمدى رەفورماسىن جۇرگىزۋ كەرەك. مىندەت – ونىڭ تيىمدىلىگىن ارتتىرۋ, ماتەريالدىق-تەحنيكالىق بازاسىن جاڭعىرتۋ. بۇل ءۇشىن قاۋىپسىزدىك كەڭەسىنە مەنىڭ اكىمشىلىگىممەن جانە ۇكىمەتپەن بىرلەسىپ, شەكارا قىزمەتىن دامىتۋدىڭ جانە مەملەكەتتىك شەكارانى ورتا مەرزىمدى كەزەڭدە ورنىقتىرۋدىڭ ارنايى كەشەندى جوسپارىن ازىرلەۋدى تاپسىرامىن», – دەپ كورسەتىلگەن ەدى.
وسى جينالىس بارىسىندا مەملەكەت باسشىسىنىڭ ناقتى تاپسىرماسىن جۇزەگە اسىرۋعا قاتىستى كوپتەگەن مىندەتتەردى سارالادىق. شەكارا قىزمەتىندەگى ورىن العان توسىن جاعدايلاردىڭ سەبەبىن جان-جاقتى زەرتتەي كەلە, ونىڭ ورىن الۋ سەبەبىن انىقتادىق. بارلىعىمىز اسكەري كيىم كيىپ, مەملەكەت ايرىقشا تاپسىرمالار جۇكتەگەن اسكەري قىزمەتشىلەر بولعان سوڭ, اسكەري قىزمەتتىڭ ءومىر ءسۇرۋ مەن ءىس-ارەكەتىنىڭ نەگىزگى قاعيداسى بولىپ تابىلاتىن قازاقستان رەسپۋبليكاسى قارۋلى كۇشتەرىنىڭ, باسقا دا اسكەرلەرى مەن اسكەري قۇرىلىمدارىنىڭ, جالپى, اسكەري جارعىلارىنىڭ ءتيىستى تالاپتارىن جوعارى دەڭگەيدە ورىنداۋعا ءتيىسپىز. بۇكىل كەمشىلىكتەردىڭ نەگىزى وسى جارعى تالاپتارىن ورىنداماۋدان بولىپ وتىر. سوندىقتان دا, بارلىق اسكەري قىزمەتشىلەر ەل پرەزيدەنتى 2007 جىلدىڭ 5 شىلدەسى كۇنى بەكىتكەن اسكەري جارعى تالاپتارىن ورىنداۋدى قاتاڭ باقىلاۋعا الۋدى تاپسىراتىندىعىمدى جەتكىزدىم.
ال قىزمەتكە تاعايىندالعان سوڭ,
