دارحان ەسالى ۇلى - 1975 جىلى 25 تامىز كۇنى جاڭاقورعان اۋدانى وزگەنت اۋىلىندا دۇنيەگە كەلگەن. ءبىلىمى جوعارى. 1996 جىلى ق.ا.ياسساۋي اتىنداعى حالىقارالىق قازاق-تۇرىك ۋنيۆەرسيتەتىن زاڭگەر ماماندىعى, 2009 جىلى م.ح.دۋلاتي اتىنداعى تاراز مەملەكەتتىك ۋنيۆەرسيتەتىن قارجى ماماندىعى بويىنشا تامامداعان.
1996-1997 جىلدارى «قىركەڭسە» شارۋاشىلىق سەرىكتەستىگى, ەكونوميكا بولىمىندە ستاتيست, 1998-1999 جىلدارى استانا قالالىق ادىلەت باسقارماسىندا جانە الماتى اۋداندىق سوتىندا سوت ورىنداۋشىسى, 2000-2004 جىلدارى جاڭاقورعان اۋدانى پروكۋرورىنىڭ كومەكشىسى, اعا كومەكشى, 2004-2010 جىلدارى ماڭعىستاۋ وبلىسىنىڭ سوت ادمينستراتورىنىڭ ورىنباسارى بولعان. 2010-2011 جىلدارى باتىس قازاقستان وبلىسىنىڭ سوتتارى اكىمشىسى, 2011-2016 جىلدارى ماڭعىستاۋ وبلىستىق سوتى كەڭسەسىنىڭ باسشىسى, 2016-2017 جىلدارى ماڭعىستاۋ وبلىسى بويىنشا سوتتار اكىمشىسىنىڭ باسشىسى, ماڭعىستاۋ وبلىسى بويىنشا جاڭاوزەن قالالىق سوتىنىڭ سۋدياسى.
2019 جىلى اقتاۋ قالاسىندا باسقارما باسشىسى ورىنباسارىنىڭ مىندەتىن اتقارۋشى, باسقارما باسشىسىنىڭ ورىنباسارى قىزمەتتەرىن اتقارعان. وتباسىلى, 3 ۇل, 3 قىز تاربيەلەپ وتىر.
