قوعام • 02 ناۋرىز، 2020

«استانا وپەرا» تەاترى قانداي قويىلىمدارمەن قۋانتادى؟

12 رەتكورسەتىلدى

ەلوردالىق «استانا وپەرا» تەاترىنىڭ ساحناسىندا ناۋرىز ايىنىڭ كوكتەمگى مەرەكەلەر قاتارى وپەرا جانە بالەت سپەكتاكلدەرىنىڭ قويىلىمدارىمەن، قازاقستاندىق كلاسسيكالىق ونەر جۇلدىزدارى قاتىساتىن قىزىقتى دا تارتىمدى كونتسەرتتىك باعدارلامالارمەن ۇسىنىلادى. بۇل تۋرالى قالا اكىمدىگىنىڭ ءباسپاسوز قىزمەتى حابارلادى.

7 ناۋرىز ساعات 18.00-دە تەاتردىڭ كامەرالىق زالىندا تانىمال «مۋزىكالىق قوناقجاي» توپتاماسىنان «ماحاببات اندەرى» مەرەكەلىك كونتسەرتى وتەدى. تىڭدارمانداردى «استانا وپەرا» وپەرا سوليستەرى، حور ارتىستەرى مەن وركەسترىنىڭ ورىنداۋىندا حالىقارالىق ايەلدەر كۇنىنە ارنالعان شوۋ كۇتۋدە. نازىك جاندىلاردىڭ كوكتەمگى مەرەكەسىنە ارنالعان كەرەمەت تارتۋ رەتىندە الەمدىك وپەرا كلاسسيكاسىنان سەزىمگە تولى، ليريكالىق، تەرەڭنەن تولعاندىراتىن اريالار، سونىمەن قاتار قازاق، ورىس جانە نەاپوليتان اندەرى مەن رومانستارى شىرقالادى. 8 ناۋرىز ساعات 18.00-دە ۇلكەن زال ساحناسىندا نازىك جاندى ارۋلاردىڭ نازارىنا «پاريج قۇداي اناسىنىڭ سوبورى» بالەتى ۇسىنىلماق.

حح عاسىرداعى ايگىلى بالەتمەيستەر رولان پەتيدىڭ بىرەگەي حورەوگرافياسى، كومپوزيتور موريس جارردىڭ تاماشا مۋزىكاسى، اتاقتى پاريجدىك كۋتيۋرە يۆ سەن-لوراننىڭ كوزدىڭ جاۋىن الار كوستيۋمدەرى ەلوردالىق تەاتردا ورىن العان پرەمەراسىنان-اق وسىناۋ بالەتتى كورەرمەندەردىڭ ەڭ سۇيىكتى قويىلىمدارىنىڭ ءبىرى ەتتى. كۆازيمودو – باقتيار ادامجان، ەسمەرالدا – ايگەرىم بەكەتاەۆا، كلود فروللو – ارمان ۋرازوۆ، فەب – ولجاس تارلانوۆ. «استانا وپەرا» تەاترىنىڭ سيمفونيالىق وركەسترى، بالەت ارتىستەرى، حورى جانە ميمانسى، قويۋشى ديريجەر – ارمان ورازعاليەۆ، باس حورمەيستەر – ەرجان ءداۋىتوۆ.

بالەت ترۋپپاسىنىڭ كوركەمدىك جەتەكشىسى – التىناي اسىلمۇراتوۆا. ا.جۇبانوۆتىڭ تۋىندىلارى، اتاپ ايتقاندا، سكريپكا مەن فورتەپيانوعا ارنالعان «اريا»، №1 جانە №5 تاجىك بيلەرى، ۆيولونچەل مەن فورتەپيانوعا ارنالعان «رومانس»، «بي كۇيى»، ع.جۇبانوۆانىڭ «وتەدى كۇندەر» رومانسى، ۆيولونچەل مەن فورتەپيانوعا ارنالعان «مەرەكەلىك كۇي»، «توككاتا» ورىندالاتىن بولادى.

سونداي-اق باعدارلامادا ءا.مامبەتوۆتىڭ شىعارمالارى – فورتەپيانوعا ارنالعان ءۇش پەسا، «اتاما» كۇيى، فلەيتا مەن فورتەپيانوعا ارنالعان ءتورت مينياتيۋرا، ترۋبا مەن فورتەپيانوعا ارنالعان Die Melodie fur Rose، سكريپكا، ۆيولونچەل جانە فورتەپيانوعا ارنالعان «ەلەگيا» تريوسى (اتا-انا قۇرمەتىنە); ك.يزمايلوۆانىڭ – ا.جۇبانوۆتىڭ «قارلىعاش» تاقىرىبىنا فانتازياسى، ء«سوزسىز ءان»، سكريپكا مەن فورتەپيانوعا ارنالعان «اللەگرو»، ءا.مامبەتوۆكە ارناۋ رەتىندە فلەيتا مەن فورتەپيانوعا ارنالعان «ك سۆەتۋ» پەساسى، سونداي-اق قارشىعا احمەدياروۆتىڭ «عازيزا» كۇيى ۇسىنىلعان.

21، 22 جانە 23 ناۋرىزدا ساعات 18.00-دە تەاتردىڭ ۇلكەن زالىندا ۇلتتىق كلاسسيكا جاۋھارى – ع.مۇسىرەپوۆتىڭ ليبروتتاسىنا جازىلعان ە.برۋسيلوۆسكيدىڭ «قىز جىبەك» وپەراسى ساحنالانادى. العاشقى قازاق وپەراسى بولعان «قىز جىبەك» «استانا وپەرا» ساحناسىندا قويۋشى رەجيسسەر ميحايل پاندجاۆيدزە مەن قويۋشى ديريجەر ابزال ءمۇحيتديننىڭ جاڭا رەداكتسياسىندا ۇسىنىلعان.

قازاقستاندىق تەاتر سۋرەتشىلەرى سوفيا تاسماعامبەتوۆا مەن پاۆەل دراگۋنوۆ جاساعان كەرەمەت دەكوراتسيالار، ءساندى كوستيۋمدەر قويىلىمدا بەينەپروەكتسيالارمەن، 3D-تەحنولوگيالارمەن تولىقتىرىلعان.

«استانا وپەرا» تەاترىنىڭ سيمفونيالىق وركەسترى، وپەرا ترۋپپاسى، حورى، بالەت ارتىستەرى، ميمانس جانە بالالار ستۋدياسى. باس حورمەيستەر – ەرجان ءداۋىتوۆ، قويۋشى بالەتمەيستەر – مۋكارام اۆاحري، كەڭەسشى – اسحات ماەميروۆ، رەجيسسەردىڭ اسسيستەنتى – ەرەنباق تويكەنوۆ، ديريجەر – رۋسلان بايمۋرزين، بالالار حورىنىڭ جەتەكشىسى – التىنعانىم احمەتوۆا.

سوڭعى جاڭالىقتار

Apple Store دۇكەنى نە ءۇشىن قورشالۋدا؟

تەحنولوگيا • بۇگىن، 18:41

قازالىدا 42 جوبا جۇزەگە اسادى

ايماقتار • بۇگىن، 17:47

300 باسپاعا سۋبسيديا بەرىلەدى

ايماقتار • بۇگىن، 17:37

«بايقوڭىر» عارىش كەشەنىنە - 65 جىل

ايماقتار • بۇگىن، 17:30

اپتاپ ىستىقتا قالاي قورعانامىز؟

ايماقتار • بۇگىن، 14:57

ۇقساس جاڭالىقتار