ءۇندىستاننىڭ مۋمباي پورتىندا جارىلىپ, سۋعا باتقان «سيندۋراكشاك» سۇڭگۋىر قايىعىنان قازا تاپقان ەكيپاج مۇشەلەرىنىڭ دەنەسىن الىپ شىعۋ جۇمىستارى باستالدى. بۇل جونىندە كەشە جەرگىلىكتى اقپارات قۇرالدارى حابارلادى.
قازا تاپقانداردىڭ دەنەلەرى شىعارىلا باستادى
ءۇندىستاننىڭ مۋمباي پورتىندا جارىلىپ, سۋعا باتقان «سيندۋراكشاك» سۇڭگۋىر قايىعىنان قازا تاپقان ەكيپاج مۇشەلەرىنىڭ دەنەسىن الىپ شىعۋ جۇمىستارى باستالدى. بۇل جونىندە كەشە جەرگىلىكتى اقپارات قۇرالدارى حابارلادى.
قازىرگە ەكيپاجدىڭ ءۇش مۇشەسىنىڭ دەنەلەرى سۋ استىنان شىعارىلعان. ولاردىڭ اتى-جوندەرى ءالى انىقتالعان جوق. ءۇندىستان بيلىگى وسىنىڭ الدىندا قايىق بورتىنداعى 18 ەكيپاج مۇشەسىنىڭ ءتىزىمىن جاريالاعان ەدى. كەشەگى جاعدايعا قاراعاندا, ولاردىڭ ەشقايسىسى ءتىرى قالماعان سياقتى. ەل بيلىگى سۇڭگۋىر قايىقتى وزدەرىنىڭ تەحنيكالىق قۇرالدارىمەن سۋ بەتىنە كوتەرىپ شىعارۋ وپەراتسياسىن جۇرگىزۋگە كۇشتەرى جەتپەيتىنىن العا تارتىپ وتىر. سوندىقتان, ولار بۇعان سينگاپۋرلىق كومپانيانىڭ نەمەسە نيدەرلاندىنىڭ ماماندارىن كومەككە شاقىرۋدى جوسپارلاۋدا.
بيلىك ءۇشىن تالاس قاندى قىرعىنعا سوقتىردى
مىسىر ۇكىمەتى كايردە جانە ەلدىڭ باسقا دا قالالارىندا بولعان تارتىپسىزدىكتەردەن قازا تاپقان ادامداردىڭ سانىن جاريا ەتتى. دەنساۋلىق ساقتاۋ مينيسترلىگىنىڭ وكىلى م.فاتاللاحتىڭ كەلتىرگەن مالىمەتتەرى بويىنشا, قاقتىعىستاردان 465-كە جۋىق ادام مەرت بولعان.
قازا تاپقانداردىڭ 43-ءى پوليتسيا قىزمەتكەرلەرى, 422-ءسى ازاماتتىق تۇلعالار ەكەن. بۇلاردىڭ جارتىسىنان استامى كايردەگى قاقتىعىستار كەزىندە كوز جۇمعان كورىنەدى. تارتىپسىزدىك سالدارىنان 3,5 مىڭداي ادام جارالاندى دەگەن دەرەك تە بار. ەگيپەتتىڭ وتپەلى ۇكىمەتى بۇكىل ەل بويىنشا توتەنشە جاعداي جاريالادى, ال كاير مەن 11 پروۆينتسيادا كومەندانتتىق ساعات ەنگىزىلدى.
مەركەل سايلاۋالدى ناۋقانىن باستادى
فرگ كانتسلەرى انگەلا مەركەل سارسەنبى كۇنى ءوزىنىڭ سايلاۋالدى ناۋقانىن باستادى. وسىعان بايلانىستى ول گەسسەن اۋماعىنداعى زەليگەنشتاد قالاشىعىندا ءسوز سويلەپتى.
انگەلا مەركەلمەن كەزدەسۋگە ءبىر مىڭعا جۋىق ادام كەلگەن. ولاردىڭ باسىم كوپشىلىگى كانتسلەردى جاقتاۋشىلار مەن ول جەتەكشىلىك ەتەتىن حدس پارتياسىنىڭ مۇشەلەرى ەكەن. دەگەنمەن, كەزدەسۋگە سوتسيال-دەموكراتتار ۇيىمىنا كىرەتىن جاستار دا قاتىسىپ, «مەركەل كەت!» جانە «وتىرىكشى» دەپ ايقايلاپ, تۇرىپ العان كورىنەدى. ال گەرمانيادا پارلامەنتتىك سايلاۋ وسى جىلدىڭ 22 قىركۇيەگىندە وتەدى.
تەراكتىنى سۇننيتتىك توپتار جاساعان
بەيرۋت قالاسىنىڭ «حيزباللا» راديكالدى قوزعالىسى باقىلاۋ جاسايتىن اۋدانىندا بولعان تەررورلىق ارەكەتتى «ايشي وتريادى» اتالاتىن سۇننيتتىك توپتار ءوز جاۋاپكەرشىلىگىنە الدى. بۇل جونىندە «رەيتەر» اگەنتتىگى حابارلادى.
اتالعان توپتىڭ «حيزباللا» شيتتىك راديكالدىق قوزعالىسىنىڭ جەتەكشىسى حاسان ناسراللاعا جولداعان بەينەۇندەۋىندە بۇل ولاردىڭ ەكىنشى وپەراتسياسى ەكەندىگى جانە ول جالعاسىن تاباتىندىعى ايتىلعان. ليۆيا قاۋىپسىزدىك قىزمەتىنىڭ مالىمەتتەرىنە قاراعاندا, تەررورلىق ارەكەتتەن 20-دان استام ادام قۇربان بولىپ, 120-عا جۋىق ادام جارالانعان. سونىمەن قاتار, بىرنەشە اۆتوكولىك وتقا ورانىپ, بىرقاتار ءۇي زاقىمدانعان كورىنەدى. جارىلعىش قوندىرعى اۆتوماشينەگە قويىلعان ەكەن.
جاڭا زەلاندياداعى كۇشتى جەر سىلكىنىسى
جاڭا زەلانديادا كۇشتى جەر سىلكىنىسى سالدارىنان ەل اۋماعىنداعى اۋەجايلار مەن تەمىر جول قاتىناستارى توقتاتىلدى. «رەيتەر» اگەنتتىگىنىڭ حابارلاۋىنشا, قۋاتى 6,8 بالل بولاتىن ءزىلزالا جەرگىلىكتى ۋاقىت بويىنشا ساعات 02.31-دە تىركەلگەن.
ەپيتسەنترى ەل استاناسى ۆەللينگتوننان ونشا قاشىق ەمەس يۋجنىي ارالىندا, 10 شاقىرىمداي تەرەڭدىكتە بولسا كەرەك. ارتىنشا تاعى ءبىر جەراستى ءدۇمپۋى تىركەلىپتى. ونىڭ قۋاتى – 5,7 بالعا جەتكەن. ءزىلزالادان بىرقاتار عيماراتتار ءب ۇلىنىپ, يۋجنىي ارالىندا ەلەكتر جارىعى ءسونىپ قالعان. زارداپ شەككەن ادامدار جونىندە قازىرگە اقپاراتتار جوق.
سايلاۋ الدىنداعى «قارا پيار» بولسا كەر
