سىرلاسۋ كەشىندە اقىن قايىربەك اسانوۆ پوەزيا الەمىندەگى ورنى, ومىرلىك جولى, ءبىر شاڭىراق استىندا عۇمىر كەشىپ كەلە جاتقان اسىل جارى كۇلاش احمەتوۆامەن العاش قالاي تانىسقاندىعى, قوس اقىننىڭ اراسىنداعى كىرشىكسىز ماحابباتى تۋرالى وقىرماندارعا اڭگىمەلەپ بەردى.
ءىس-شاراعا جازۋشى, دراماتۋرگ, پۋبليتسيست ەلەن ءالىمجان, فيلولوگيا عىلىمدارىنىڭ دوكتورى, پروفەسسور سامەن قۇلباراق, مويىنقۇم اۋدانىنىڭ قۇرمەتتى ازاماتى, قۇسبەگى جاپار ساتىلعانوۆ, سونداي-اق اقىن ءىزباسارلارىنىڭ ءبىرى – ايتىسكەر اقىن, جۋرناليست ەسەت دوسالى قاتىسىپ, قالامگەردىڭ شىعارماشىلىعى, ازاماتتىق قاسيەتتەرى جايىندا كەڭىنەن سىر شەرتىپ, اقىن ولەڭدەرىن وقىپ, تالداۋ جاساپ, قىزىقتى ەستەلىكتەرىمەن ءبولىستى
كىتاپحانا جانىنان قۇرىلعان «قالامگەر» كلۋبىنىڭ مۇشەلەرى اباي اتىنداعى جامبىل گۋمانيتارلىق كوللەدجىنىڭ ستۋدەنتتەرى ەراسىل اۋەزباي, قۇرالاي جاقان اقىننىڭ جانە جارى كۇلاش اپامىزدىڭ ولەڭدەرىن مانەرلەپ وقىپ, ادەبي كومپوزيتسيا قۇردى. وقىرماندار اقىننان قوناق كادە سۇراپ, جاڭا ولەڭدەرىن شابىتتانا وقىدى. سىرلاسۋ كەشى سىرلى اۋەنمەن ارلەندى.
كەش سوڭىندا كىتاپحانا ديرەكتورى ەلميرا ابدينوۆا وقىرماندارعا ۇلكەن اسەر سىيلاعان اقىن شىعارماشىلىعىنا تولاعاي تابىستار تىلەپ, كەش قوناعىنا سىي-قۇرمەت كورسەتتى.
