2020 جىلعى 1 قاڭتارداعى جاعداي بويىنشا 34 301 وبەكتىنىڭ (مەكتەپتەر, اۋرۋحانالار, كىتاپحانالار, مادەنيەت ۇيلەرى, تەمىرجول جانە اۆتوۆوكزالدار, اۋەجايلار جانە ت.ب.) جالپى سانىنان جەرگىلىكتى اتقارۋشى ورگاندار 33 642 وبەكتىگە پاسپورتتاۋ جۇرگىزدى.
مۇمكىندىكتەرى شەكتەۋلى ادامدار ءۇشىن قولجەتىمدى ورتا جاعدايلارىنىڭ ساقتالۋىن, ياعني پاندۋستاردى, دىبىستىق / ۆيزۋالدى / اكۋستيكالىق / سەزگىش قۇرىلعىلاردى, اقپاراتتىق بەلگىلەردى ورناتۋدى, تۇراق ءۇشىن ورىندار ءبولۋدى جانە ت. ب. قامتاماسىز ەتۋ ءۇشىن پاسپورتتاۋ جۇرگىزىلدى, مۇنداعى ماقسات ءاربىر قازاقستاندىق ءوزىنىڭ دەنساۋلىعىنا قاراماستان, وسى وبەكتىلەرگە كىرە الۋى كەرەك.
پاسپورتتالعان وبەكتىلەردىڭ جالپى سانىنان 24 452 وبەكت بەيىمدەلۋگە جاتادى, ونىڭ ىشىندە 23 314 وبەكت بەيىمدەلدى. وسىلايشا, پاسپورتتالعان وبەكتىلەردىڭ جالپى سانىنىڭ 96,6% بەيىمدەلۋى قامتاماسىز ەتىلدى.
وبەكتىلەردى 100% بەيىمدەۋ الماتى قالاسىندا, شىعىس قازاقستان, سولتۇستىك قازاقستان, قاراعاندى وبلىستارىندا جۇزەگە اسىرىلدى. باتىس قازاقستان وبلىسىندا – 99,4%, اتىراۋ وبلىسىندا – 98,6%, اقتوبە وبلىسىندا – 98,5%, قىزىلوردا وبلىسىندا – 98,1%, ماڭعىستاۋ وبلىسىندا – 97,3%, شىمكەنت قالاسىندا – 96,1%, پاۆلودار وبلىسىندا – 96%, نۇر سۇلتان قالاسىندا-95,4%, تۇركىستان جانە قوستاناي وبلىستارىندا – 95%, جامبىل وبلىسىندا – 94%, الماتى وبلىسىندا – 92,2%, اقمولا وبلىسىندا – 83,3%.
