استاناداعى «كەرۋەن» ساۋدا ورتالىعىندا اسكەري قىزمەتكە كەلىسىمشارت بويىنشا شاقىرۋعا ارنالعان جىلجىمالى تىركەۋ پۋنكتىنىڭ جۇمىسى باستالدى.
قازىرگى ۋاقىتتا رەسپۋبليكا قورعانىس مينيسترلىگى قىزمەتىنىڭ ماڭىزدى باعىتتارىنىڭ ءبىرى قارۋلى كۇشتەردى وفيتسەرلىك, سەرجانتتىق جانە قاتارداعى جاۋىنگەرلەرمەن جاساقتاۋدىڭ جۇيەسىن جەتىلدىرۋ بولىپ تابىلادى. بۇل جۇمىستى جۇرگىزۋدە قارۋلى كۇشتەردى كەلىسىمشارت بويىنشا اسكەري قىزمەتشىلەرمەن جاساقتاۋعا تولىق كوشۋگە نەگىز بولاتىن ساننان بۇرىن ساپاعا بارىنشا ءمان بەرىلەتىنى ءسوزسىز.
ۇگىت توبىنىڭ جۇمىسى ۇمىتكەرلەردى ىرىكتەۋ جانە حالىققا كەڭىنەن ءتۇسىندىرۋ جۇمىستارىن جۇرگىزۋ سىندى كوپ دەڭگەيلى جۇيەگە قۇرىلعان. وسى ۋاقىتقا دەيىن ەلىمىزدىڭ ءار ايماعىندا ۇگىت-ناسيحات سيپاتىنداعى بىرنەشە ءىس-شارا ۇيىمداستىرىلدى. بۇقارالىق اقپارات قۇرالدارى ارقىلى حالىقتى اسكەري قىزمەتكە كەلىسىمشارت بويىنشا الۋ ءتارتىبى تۋرالى اقپاراتتاندىرۋ جۇمىستارى دا ۇدايى جۇرگىزىلىپ كەلەدى.
«ەگەمەن-اقپارات».
––––––––––––––––
سۋرەتتەردە: ەلورداداعى «كەرۋەن» ساۋدا ورتالىعىنداعى اسكەري قىزمەتكە شاقىرۋ پۋنكتى جۇمىسىنان كورىنىس.
