ميلليونداعان ادام مال ارتاتىن ۆاگوندارمەن قازاقستانعا جەتكىزىلدى. مىڭداعان جان جولدا ءۇسىپ, اشتىقتان, اۋرۋدان جان تاپسىردى. ءتۇرلى سەبەپ-سىلتاۋمەن قازاق جەرىنە جەتكىزىلگەن جاندارعا كەڭەستىك بيلىك جاعداي جاساعان جوق. كەرىسىنشە كۇنىن زورعا كورىپ وتىرعان قازاقتاردىڭ موينىنا قوسىمشا جۇك ارتتى.
قولىنداعى نانى مەن قورجىن تامىن تەڭ بولىسكەن قازاقتار ەتنوستاردى ءوز باۋىرىنداي كوردى. زامان تار بولعانىمەن قاراپايىم قازاقتاردىڭ ىقىلاس-پەيىلى, مەيىرباندىلىعى جانە ادامي جاناشىرلىعى ءبىزدىڭ بەيبىت داۋىرگە جەتۋىمىزگە سەپ بولدى.
ءسوزدىڭ اشىعى – اۋەلى اللانىڭ, سوسىن قازاق حالقىنىڭ دەمەۋىنىڭ ارقاسىندا ءبىز وسى كۇنگە امان-ەسەن جەتتىك. سوندىقتان بىزگە كەزىندە پانا بولعان قازاق ەلىنە ءاردايىم العىس ايتامىز.
ءبىز قازاقستاندىقپىز! ءيا, ءبىزدىڭ ءتۇرىمىز, ءتىلىمىز وزگەشە بولعانىمەن, ەلىمىز, ءتۇبىمىز, ءدىلىمىز ءبىر. ەڭ باستىسى – ءبىر ەلدىڭ ازاماتىمىز. ءوز كەزەگىندە وسى ەلدىڭ نانىن جەپ, جىلۋىن سەزگەن بارلىق ەتنوس بۇگىنگى جەتكەن جەتىستىگى ءۇشىن قازاق ەلىنە ءاردايىم قارىزدار.
ءبىز ءبىر ەكەنىمىزدى قۇرعاق سوزبەن ەمەس, ناقتى ىسپەن كورسەتكەنىمىز ءجون. ءدال قازىر قازاقتىڭ ءسوزىن سويلەمەگەن ۇلتتىڭ وزگە جەردە ءوزىنىڭ نامىسىن قورعاي الادى دەگەنگە مەن سەنبەيمىن.
الدىڭعى بۋىننىڭ اماناتى مەن وزىندىك ار الدىندا ءبىز – وسى ەلگە, وسى جەرگە ءاردايىم قارىزدارمىز!
ەندەشە جانىمىزداعى جاقىن جاندارعا العىس ايتۋدان جالىقپايىق.
لايىم, بىرلىك جولىندا ءبىر ساپقا تۇرۋدان جاڭىلمايىق.
ارزۋ گۋربانوۆا,
شىمكەنت قالاسى ازەربايجان ەتنومادەني بىرلەستىگى توراعاسىنىڭ ورىنباسارى
