سونىمەن بىرگە جىلىلىق الا كەلگەن كوكتەمنىڭ العاشقى كۇنىندە تاعدىردىڭ جازۋىمەن قازاق جەرىنە ەرىكسىز قونىس اۋدارىلعان ءتۇرلى ەتنوس وكىلدەرى – قازاق حالقىنا دەگەن شەكسىز قۇرمەت پەن تاعزىمىن تەرەڭ تولعانىس ۇستىندە جەتكىزدى.
العىس ايتۋ كۇنى بەرەكەلى بىرلىك پەن تاتۋ-ءتاتتى تىرلىككە باستاي الاتىن ساۋابى مول ادام كوڭىل-كۇى تولقىنى. سوڭع جىلى 1 ناۋرىز ورتاق تاعدىر توعىستىرعان رەسپۋبليكا ازاماتتارى مەن تۇرعىندارىنىڭ ءبىر-بىرىنە شىنايى العىس سەزىمدەرى مەن ريزاشىلىعىن بىلدىرەتىن داتاعا اينالىپ كەلەدى. وسى ارقىلى تۇتاستاي ەلىمىزدە تىنىشتىق پەن تۇسىنىستىك سالتانات قۇرا الادى. ءبىز بۇگىن وسىنداي مەرەيلى ءسات ۇستىندە تۇرمىز. بۇل رەتتە ءوزارا قۇرمەت پەن سىيلاستىق احۋالى ءبىزدى جاڭا بيىكتەر مەن بەلەستەرگە باستاي بەرەتىنىنە سەنىمى مول دەدى, -دەدى ءوڭىر تۇرعىندارىن العىس ايتۋ كۇنىمەن قۇتتىقتاپ ءسوز سويلەگەن اقتوبە وبلىسىنىڭ اكىمى وڭداسىن ورازالين.
سونداي-اق وتكەن جەكسەنبىدە ءتۇرلى ەتنوستاردىڭ قازاق جەرىنە قونىستانۋى تۋرالى ناقتى تاريحي دەرەكتەر مەن مالىمەتتەر ارقاۋ ەتىلگەن «مىڭ العىس ساعان, قازاق ەلى!» اتتى بەينەفيلمدەر توپتاماسى تانىمدىق تۇرعىدان مول اسەر قالدىردى. بۇل كۇن «سىڭعىرلاپ وڭكەي كەلىسىم, تاس بۇلاقتىڭ سۋىنداي» دەپ دانا اباي ايتقانداي ءتۇر مەن مازمۇن تەل توگىلگەن شىن مانىندەگى مەرەكەلىك كوڭىل-كۇي اۋانىن تۋعىزدى. اقتوبەدە 1 ناۋرىز العىس ايتۋ كۇنىنە ارنالعان مادەني كوپشىلىك ءىس-شارالار شوعىرى قازاقستان حالقى اسسامبلەياسى جانىنداعى ەتنو-مادەني بىرلەستىكتەردىڭ مەرەكەلىك باعدارلاماسىمەن تۇيىندەلدى.
