قالانىڭ ساۋلەتتىك كەلبەتىنە باسا ءمان بەرگەن قالا اكىمى مۇرات ايتەنوۆ شاھارداعى كوپ قاباتتى تۇرعىن ۇيلەردىڭ سىرتقى قاسپەتىن ارلەۋدى قولعا الدى. بۇگىندە جوندەلۋى قاجەت 71 ءۇيدىڭ ءتىزىمى جاسالىپ,
اتالعان جوبا 2 كەزەڭ بويىنشا جۇمىس جۇرگىزۋدە.
ءبىرىنشى كەزەكتە رەسپۋبليكا جانە تاۋكە حان داڭعىلدارى بويىنداعى ۇيلەردىڭ قاسبەتتەرى رەتكە كەلتىرىلەدى. وسى ماقساتتا قازىرگى تاڭدا اتالعان ورتالىق كوشەلەردەن 41 ءۇي انىقتالعان.
جالپى 41 ءۇيدىڭ قاسبەتىن جوندەۋ ءۇشىن 13 مەردىگەر مەكەمە تارتىلدى.
بۇگىنگى تاڭدا مەردىگەر مەكەمەلەر مەن باسقارما ماماندار ۇيلەردىڭ جاعدايىن زەردەلەپ, جوندەۋ جۇمىستارى جۇرگىزىلۋدە.
اباي اۋدانى بويىنشا 17 ءۇيدى جوندەۋدى (جالپى اۋدانى 18 000 ش.م.) 5 مەردىگەر مەكەمە جانە 133 قۇرىلىسشى اتقارۋدا. قازىرگى تاڭدا 4000 ش.م. قۇرىلىس ساتىلارى قۇرىلىپ, 6000 ت.م. قۇرىلىس ماتەريالدارى جەتكىزىلگەن.
ءال-فارابي اۋدانى بويىنشا 24 ءۇي بويىنشا (جالپى اۋدانى 26 290 ش.م.) 8 مەردىگەر مەكەمە جانە 128 قۇرىلىسشى جۇمىس ىستەۋدە.
ەكىنشى كەزەكتە تەمىرلان تاسجولى, بەيبىتشىلىك جانە جىبەك جولى كوشەسى بويىندا ورنالاسقان كوپ قاباتتى 30 ءۇيدىڭ قاسبەتى جوندەلەدى.
