پارلامەنت • 29 اقپان، 2020

د.نازارباەۆا: بىزگە اگروونەركاسىپتى دامىتۋدىڭ ستراتەگياسى قاجەت

54 رەتكورسەتىلدى

سەناتتا اگرارلىق ماسەلەلەر، تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىنىڭ ۇيىمداستىرۋىمەن اگروونەركاسىپ كەشەنءى ماسەلەلەرىنە ارنالعان پارلامەنتتىك تىڭداۋ بولدى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى. 

سەنات توراعاسى داريعا نازارباەۆا ءوز سوزىندە اۋىل تۇرعىندارى جۇزەگە اسىپ جاتقان مەملەكەتتىك باعدارلامالار اياسىندا كوپتەگەن جاردەماقى مەن جەڭىلدىكتەر الىپ كەلە جاتقانىن اتاپ ءوتتى. «سول باعدارلامالار اۋىل تۇرعىندارىنا ناقتى تابىس اكەلە مە؟ بىزدە مەملەكەتتىك باعدارلامالاردىڭ ناتيجەلى ءارى تابىستى جۇزەگە اسۋىنا نە كەدەرگى ەكەنىن انىقتاۋىمىز كەرەك. ويتكەنى باعدارلامالاردى ازىرلەۋ كەزىندە، مەملەكەتتىڭ بار كۇشىن سالعانىنا قاراماستان جۇيەلى قاتەلىكتەر كەتەدى. ول ءوز كەزەگىندە وسى سالانىڭ كوپ جىلعىتۇرالاۋدان شىعۋعا كەرى اسەرىن تيگىزەدى»، - دەدى د.نازارباەۆا.

سەنات دەپۋتاتى دۇيسەنعازى مۋسين قازىرگى ۋاقىتتاعى وسى سالانىڭ نەگىزگى ماسەلەلەرىنە توقتالدى. ونىڭ ىشىندە اۋىل شارۋاشىلىعى تاۋار وندىرۋشىلەر ءۇشىن اكتيۆتەر مەن جەردىڭ كەپىلدىك قۇنىنىڭ تومەندىگى جانە ءوتىمدى كەپىلدەردىڭ بولماۋى. «سۋبسيديالاۋ ءتيىمدى جۇمىس ىستەۋى ءۇشىنجۇيەنءى  جەتىلدىرۋ قاجەت. بۇل رەتتە اۋىل شارۋاشىلىعى تاۋار وندىرۋشىلەرىن بارىنشا قولداي وتىرىپ، نەگىزىنەن سۋبسيديالاۋدان ارزان جانە ۇزاق مەرزىمدى كرەديتتەۋگە بىرتىندەپ كوشۋ ماسەلەسىن كەلەسى قابىلداناتىن مەملەكەتتىك باعدارلامادا قاراستىرۋدىڭ قاجەتتىگى تۋىنداۋدا»، - دەدى د.مۋسين.

سەناتور سونىمەن قاتار اگروونەركاسىپ كەشەنءىينفراقۇرىلىمىن قارجىلاندىرۋ دەڭگەيىنىڭ تومەندىگىن، اۋىل شارۋاشىلىعى مەن ونەركاسىپ ونىمدەرىنىڭ، قىزمەتتەردىڭ، شيكىزات پەن ازىق-ت ۇلىك باعالارىنىڭ تەڭسىزدىگى جانە اۋىل تۇرعىندارىنىڭ ءوز كاسىبىن ۇيىمداستىرۋى ءۇشىن قاراجات پەن ءبىلىمنىڭ جەتكىلىكسىزدىگىن ايتىپ ءوتتى.

سەنات توراعاسى وسى تاقىرىپتى جالعاستىرا كەلءىپ، ءتۇرلى قارجىلىق ينستيتۋتتاردى تارتۋدى جانە اۋىل شارۋاشىلىعىن قارجىلاندىرۋ تەتىكتەرىمەن تاسىلدەرىن قايتا قاراۋدى ۇسىندى. «سۋبسيديا بەرۋدىڭ قۇقىقتىق جاعى زاڭدا ناقتى انىقتالىپ جازىلۋ كەرەك. بۇل نەگىزگى ماسەلەنى زاڭنان كەيىنگىاكتىلەر دەڭگەيىندە رەتتەۋ قاتە بولدى. بۇل قاتەلىك ءبىزگە قىمبات ءتۇسىپ وتىر»، - دەدى د.نازارباەۆا.

شىعىس قازاقستان وبلىسىنان كەلگەن اۋىل شارۋاشىلىعى تاۋارىن ءوندىرۋشى فاريد ابيتاەۆ اۋىل شارۋاشىلىعى مەن عىلىمنىڭ ءوزارا ءىس-قيمىلىنىڭ پايدالى مىسالىن كەلتىردى. 2013 جىلدان باستاپ عىلىممەن اينالىسقان كاسىپورىن جەتىستىكتەرگە جەتكەن، قازىر سەلەكتسيانى دامىتۋمەن شۇعىلدانىپ كەلەدى.

«حلوپكوپروم-تسەلليۋلوزا» سەرىكتەستىگىنىڭديرەكتورى قاينار اباسوۆ ءوڭتۇستىك وڭىردەگى سۋ تاپشىلىعىن شەشۋدىڭ بالاماسى رەتىندە جاڭبىر سۋى مەن سۋارۋ بويىنشا جاڭا تەحنيكالاردى قولدانۋ كەرەكتىگىن ايتتى.

«زەنچەنكو ي ك» جاۋاپكەرشىلىگى شەكتەۋلى سەرىكتەستىگىنىڭ باسشىسى گەننادي زەنچەنكو ءوز سوزىندە سالانى ءارتاراپتاندىرۋعا نازار اۋداردى. «ءبىر عانا بيدايعا قاراپ وتىرۋعا بولمايدى، سوندىقتان دۇرىس كەلەمىز دەگەن ويدامىن. دەگەنمەنعىلىم بىزگە سولتۇستىكتە نە ءوسىرۋ كەرەك جانە وڭتۇستىكتە نە ءوسىرۋ كەرەگىن ايتۋى ءتيىس»، - دەدى ول.

گ.زەنچەنكو سونداي-اق شارۋاشىلىقپەن اينالىسۋدىڭ قىمباتقا تۇسەتىنىنە ەرەكشە توقتالدى. ولار تۇقىمدى وزدەرى ساتىپ الادى، تەحنولوگيانى دا وزدەرى ويلاپ تابادى، ال وسىنىڭ ءبارى، ونىڭ ايتۋىنشا، قۇر اۋرەشىلىك بولۋى دامۇمكىن.

داريعا نازارباەۆا پارلامەنتتىك تىڭداۋدى قورىتىندىلاي كەلىپ، سەناتورلاردىڭ ۇسىنىمدارىن 9 بولىمگە جيناقتادى جانە وعان جان-جاقتى توقتالدى. سەنات توراعاسى تالقىلانعان تاقىرىپتىڭ ماڭىزدى ەكەنىن اتاپ ءوتىپ، وسى سالا ەلىمىزدىڭ ءاربىر ازاماتىن تولعاندىراتىنىن جەتكىزدى. «قازىرگىدەي كەلتە ويلاۋدى قىسقارتۋ كەرەك. بىزدە بارلىق سالادا دا ستراتەگيا بولۋى ءتيىس. قاتەلىكتەر مەن وڭ تاجىريبەلەرىمىز ءبىزدى سوعان باستاپ كەلەدى»، - دەدى ول.

سەنات توراعاسىنىڭ ايتۋىنشا، اتالعان سالاداعى قوردالانعان ماسەلەلەر قوعام جانە اۋىل تۇرعىندارىمەن كاسىبي تۇردە جان-جاقتى ديالوگتى تالاپ ەتەدى.

«قازاقستان - ءبىزدىڭ جەرىمىز. ءبىز ول ءۇشىن اتا-بابالارىمىزدىڭ، بالالارىمىزدىڭ الدىندا جاۋاپتىمىز. ءبىزدىڭ سىرتقى جاۋىمىز جوق. ءبىز ەشكىمگە ەشقاشان جەرىمىزدى بەرمەيمىز. ءبىزدىڭ باستى دۇشپانىمىز - جاۋاپسىزدىق، بىلىكسىزدىك، شەشىم قابىلداۋعا اسىعۋ، قاعاز جۇزىندەگى ەسەپتەر جاعدايىن دۇرىس تۇسىنبەۋ، باعالاي الماۋ جانە كۇندەلىكتى ورىن الاتىن ماسەلەلەرگە شاپشاڭ جاۋاپ بەرە الماۋ»، - دەدى د.نازارباەۆا.

سەنات باسشىسى اگروونەركاسىپ كەشەنءىسالاسىنىڭ دامۋىنداعى تەجەگىشتەردى ەگجەي-تەگجەيلى انىقتاۋ ماقساتىندا الداعى ۋاقىتتا اۋقىمدى جۇمىستار كۇتىپ تۇرعانىن جانە ۇكىمەتكە جىبەرىلەتىن ۇسىنىمداردى تياناقتى تۇردە پىسىقتاۋ كەرەكتىگىن ايتتى.

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ۇقساس جاڭالىقتار