ناۋرىزدىڭ باسىندا جانە ورتاسىندا اتموسفەرالىق فرونتتاردىڭ وتۋىنە بايلانىستى رەسپۋبليكانىڭ باسىم بولىگىندە جاۋىن-شاشىن (جاڭبىر, قار), وڭتۇستىك, وڭتۇستىك-شىعىس جانە شىعىس ايماقتاردىڭ كەي جەرلەرىندە قاتتى, ەكپىندى جەل 15-25 م/س دەيىن, سولتۇستىك وڭىرلەردە بۇرقاسىنمەن جاۋىن-شاشىن كۇتىلەدى.
رەسپۋبليكا بويىنشا ءجيى تۇمان, سولتۇستىك جارتىسىندا كوكتايعاق كۇتىلەدى. جاۋىن-شاشىنمەن قاتار اۋا تەمپەراتۋراسى تومەندەيدى.
ءبىرىنشى ونكۇندىكتىڭ سوڭىندا كار تەڭىزىنەن سۋىق انتيتسيكلوننىڭ باسىپ كىرۋىمەن رەسپۋبليكانىڭ سولتۇستىگىندە, شىعىسىندا جانە ورتالىعىندا اۋا تەمپەراتۋراسى تومەندەپ, تەرمومەتر باعانى تۇندە 10...15, كەي جەرلەرىندە 20-25 ايازعا دەيىن, كۇندىز 5...13 ايازعا دەيىن, وڭتۇستىكتە تۇندە 2...12 ايازعا دەيىن, كۇندىز 0...8 جىلىعا دەيىن تومەندەۋى مۇمكىن.
قازاقستاننىڭ باتىسىندا ءبىرىنشى ونكۇندىكتىڭ باسىندا جانە ورتاسىندا جاۋىن-شاشىن كۇتىلەدى, اۋا تەمپەراتۋراسى تۇندە 0...8 ايازدان 0...5 جىلىعا دەيىن, كۇندىز 0...5 جىلىدان 5...13 جىلىعا دەيىن وزگەرەدى. ناۋرىز ايىندا اۋانىڭ ورتاشا ايلىق تەمپەراتۋراسى قازاقستاننىڭ باسىم بولىگىندە نورمادان 1°س جوعارى, وڭتۇستىك - شىعىس بولىگىندە نورما شاماسىندا (نورما: سولتۇستىك جارتىسىندا - 3...9 اياز, وڭتۇستىك جارتىسىندا - 2 اياز...8 جىلۋدى قۇرايدى). رەسپۋبليكانىڭ باسىم بولىگىندە جاۋىن-شاشىن مولشەرى نورمادان كوپ, ەلىمىزدىڭ باتىس بولىگىندە نورما شاماسىندا بولادى دەپ بولجانۋدا. ءبىر اي ىشىندە تسيكلوندار مەن انتيتسيكلونداردىڭ ءجيى اۋىسۋى جاۋىن-شاشىننىڭ ءجيى تۇسۋىنە جانە اۋا تەمپەراتۋراسىنىڭ وزگەرۋىنە سەبەپشى بولادى.
