رۋحانيات • 28 اقپان، 2020

بۋرابايدا ابىلاي حان مونۋمەنتى بوي كوتەرەدى

90 رەتكورسەتىلدى

بۋراباي كۋرورتتىق ايماعىنداعى كەنەسارى اۋىلىندا ابىلاي حاننىڭ مونۋمەنتى سالىنادى دەپ جوسپارلانۋدا. بۇل تۋرالى ورتالىق كوممۋنيكاتسيالار قىزمەتى حابارلادى

«كەشەن «ابىلاي حان» مونۋمەنتى دەپ اتالادى، بيىكتىگى 54 مەتر بولادى. ابىلاي حاننىڭ تاقتا وتىرعان كەلبەتى سۋرەتتەلەدى. حاننىڭ اساتاياعىنا جەدەل ساتى ورناتىلادى، كەلۋشىلەر سول ارقىلى 20 قاباتتىق بيىكتىككە كوتەرىلىپ اينالانى تاماشالاي الادى»، - دەدى قوعام قايراتكەرى ارمان شوراەۆ ورتالىق كوممۋنيكاتسيالار قىزمەتىندە وتكەن بريفينگتە. 

سونداي-اق كەشەندە قازاق حالقىنىڭ حاندىق ءداۋىرىن سۋرەتتەيتىن مۇراجاي، كىتاپحانا، دەمالۋشىلارعا قاجەتتى الەۋمەتتىك نىساندار بولادى دەپ كۇتىلۋدە. كەشەندى مەملەكەتتىك بيۋدجەتتىڭ قارجىسىنا ەمەس، قاراپايىم حالىقتىڭ قولداۋىمەن سالۋ كوزدەلىپ وتىر. 

سونىمەن قاتار جوبانى ىسكە اسىراتىن ساۋلەتشى، ديزاينەر، سۋرەتشى، ينجەنەر، قۇرىلىسشى ماماندار اراسىندا حالىقارالىق اشىق كونكۋرس جاريالادى. ياعني، ابىلاي حان كەشەنىنىڭ سىزبالىق نۇسقاسىن جاساۋعا الەمنىڭ كەز كەلگەن ەلىنەن ۇمىتكەرلەر قاتىسا الادى. 


سوڭعى جاڭالىقتار

ۇقساس جاڭالىقتار