بۇگىن شىمكەنت قالاسىنداعى قازاقستان حالقى اسسامبلەياسى عيماراتىندا العىس ايتۋ كۇنىنە ارنالعان مەرەكەلىك ءىس-شارا ء وتتى. ءىس-شاراعا قالا اكىمى مۇرات ايتەنوۆ, ءماسليحات دەپۋتاتتارى, زيالى قاۋىم وكىلدەرى, جوعارى وقۋ ورىندارىنىڭ رەكتورلارى مەن مۇعالىمدەرى, ەتنومادەني بىرلەستىكتەرىنىڭ مۇشەلەرى, اسسامبلەيا جانىنداعى قوعامدىق قۇرىلىمداردىڭ وكىلدەرى جانە قالا تۇرعىندارى قاتىستى.
مەرەكەلىك ءىس-شارا الدىمەن «قازاق ەلىنە مىڭ العىس!» مونۋمەنتىنە گۇل شوقتارىن قويۋمەن باستاۋ الىپ, قالالىق ەتنو-مادەني بىرلەستىك وكىلدەرىنىڭ قولونەر بۇيىمدارى مەن قالالىق كاسىپكەرلەر وندىرەتىن تاۋارلاردىڭ كورمەسىمەن جالعاستى.
سونىمەن قاتار كەڭەستىك كەزەڭدە قازاقستانعا جەر اۋدارىلعان ەتنوستاردىڭ وتكەنى مەن بۇگىنى تۋرالى قىسقاشا بەينەفيلم كورسەتىلىپ, «قازاق ەلىنە مىڭ العىس!» تاقىرىبىندا تەاترلاندىرىلعان حورەوگرافيالىق قويىلىم ۇسىنىلدى.
جيىندا ءسوز العان قالا اكىمى تاۋەلسىزدىكتىڭ تولاعاي تابىستارىنا ەلىمىزدى مەكەندەگەن ءتۇرلى ەتنوس وكىلدەرىنىڭ دە زور ۇلەسى بار ەكەنىن جەتكىزدى.
«بيىل شىمكەنت قالاسى تمد ەلدەرىنىڭ مادەني استاناسى بولىپ بەلگىلەندى. ءبىز قالامىز بەن ونىڭ تۇرعىندارىنا بەرىلگەن وسى مۇمكىندىكتى پايدالانىپ, مادەني تانىم-تۇسىنىگىمىزدىڭ بيىك ۇلگىسىن بارشاعا كورسەتۋىمىز كەرەك», دەدى مۇرات دۇيسەنبەك ۇلى.
جيىن سوڭىندا قالامىزدىڭ ونەر مايتالماندارى كونتسەرتتىك باعدارلاما ۇسىنىپ, پاتريوتتىق اندەرمەن اياقتالدى.
