ايماقتار • 28 اقپان، 2020

ءبىلىم جولىندا كەدەرگى بولماۋى كەرەك

30 رەتكورسەتىلدى

بۇگىن ورال قالاسىندا ماحامبەت وتەمىس ۇلى اتىنداعى باتىس قازاقستان مەملەكەتتىك ۋنيۆەرسيتەتىندە «ارنايى جانە ينكليۋزيۆتى ءبىلىم بەرۋ جاعدايىندا مۇمكىندىگى شەكتەۋلى تۇلعالاردى الەۋمەتتەندىرۋدىڭ وزەكتى ماسەلەلەرى» اتتى حالىقارالىق عىلىمي-تاجىريبەلىك سەمينار ءوتتى.

شاراعا پولشادان پروفەسسور دوروتا پودگورسكا-ياحنيك، رەسەي فەدەراتسياسىنان ورىنبور مەملەكەتتىك پەداگوگيكالىق ۋنيۆەرسيتەتى عالىمدارى جانە الماتى قالاسىنان پەداگوگيكا عىلىمدارىنىڭ دوكتورى جاننات سارداروۆا ونلاين رەجيمدە قاتىستى.

سەمينار مۇمكىندىگى شەكتەۋلى تۇلعالاردى الەۋمەتتەندىرۋ، پسيحولوگيالىق-پەداگوگيكالىق سۇيەمەلدەۋدى ۇيىمداستىرۋ ماسەلەلەرى مەن كەلەشەك جوسپارلاردى تالقىلاۋ ماقساتىن كوزدەيدى. بۇل قازاقستان جانە رەسەي پەداگوگتارى مەن دەفەكتولوگتارىنا ارنايى جانە ينكليۋزيۆتى ءبىلىم بەرۋ جۇيەسىندەگى ماسەلەلەردى شەشۋدە كۇش-جىگەر بىرىكتىرىپ، تاجىريبە الماسۋعا مۇمكىندىك بەردى. پىكىرتالاس شەڭبەرىندە ورىنبور مەملەكەتتىك پەداگوگيكالىق ۋنيۆەرسيتەتى پسيحولوگيا كافەدراسىنىڭ مەڭگەرۋشىسى، پسيحولوگيا عىلىمدارىنىڭ كانديداتى، دوتسەنت يۋ.ا.كورولەۆا ء«بىلىم – مۇمكىندىگى شەكتەۋلى تۇلعالاردى الەۋمەتتەندىرۋ فاكتورى» تاقىرىبى اياسىندا ءسوز قوزعادى. ال ماحامبەت وتەمىس ۇلى اتىنداعى باتىس قازاقستان مەملەكەتتىك ۋنيۆەرسيتەتى پەداگوگيكالىق فاكۋلتەتىنىڭ دەكانى، پەداگوگيكا عىلىمدارىنىڭ كانديداتى، دوتسەنت ش.عابدراحمانوۆا «قازاقستان رەسپۋبليكاسىنىڭ جوعارى وقۋ ورىندارىندا ينكليۋزيۆتى ءبىلىم بەرۋدى دامىتۋدىڭ وزەكتى ماسەلەلەرى»، زەردە بۇزىلىسى بار بالالارعا ارنالعان باتىس قازاقستان وبلىستىق ارنايى مەكتەپ-ينتەرنات پەداگوگ-پسيحولوگى ج. مۇرات «ارنايى (تۇزەتۋ) مەكتەپتە زياتى بۇزىلعان بالالاردى الەۋمەتتەندىرۋ» تاقىرىپتارى اياسىندا تاجىريبەلەرىمەن ءبولىستى.

1

-حالىقارالىق سەميناردى ۇيىماستىرۋشىلاردىڭ ءبىرى ش.عابدراحمانوۆا ينكليۋزيۆتى ورتانى جوعارى وقۋ ورىندارىندا قالىپتاستىرۋدىڭ جولدارىن اتاپ ءوتتى. ينكليۋزيۆتى مادەنيەت، كەدەرگىسىز ورتا قالىپتاستىرۋ باعىتىندا پولشا، رەسەي، بەلورۋسسيا ەلدەرى عالىمدارىمەن بىرلەسكەن جۇمىستار تالقىلاندى. سونىمەن قاتار ەرەكشە قاجەتتىلىكتەرى بار ءبىلىم الۋشىلارعا وقۋ باعدارلامالارىن بەيىمدەۋدىڭ ءتيىمدى جۇيەسىن قۇرۋ تۋرالى ۇسىنىس ايتىلدى. سەمينار قورىتىندىسىندا ينكليۋزيۆتى ءبىلىم بەرۋدىڭ وزەكتى ماسەلەلەرىن شەشۋ جولدارى قاراستىرىلىپ، ناقتى ۇسىنىستار ەنگىزىلدى، - دەيدى ۋنيۆەرسيتەتتىڭ ءباسپاسوز قىزمەتى جەتەكشىسى ريتا سۇلتانعاليەۆا.

بۇل ۇسىنىستار حاتتاماعا ەنگىزىلىپ، جوعارىداعى ءتيىستى ورىندارعا جەتكىزىلەتىن بولادى.

 

باتىس قازاقستان

سوڭعى جاڭالىقتار

ۇقساس جاڭالىقتار