قابىلداۋعا 200-گە جۋىق قالا تۇرعىنى كەلىپ, وزدەرىن تولعاندىرىپ جۇرگەن وزەكتى ماسەلەلەر جايلى ايتىپ, ءوتىنىش-تىلەكتەرىن جەتكىزدى.
قالا باسشىسى ءار تۇرعىننىڭ ماسەلەلەرىن جەكە تىڭداپ, جاۋاپتى سالا باسشىلارىنا ءتيىستى تاپسىرما بەردى. تۇرعىنداردىڭ باسىم بولىگىنىڭ ماسەلەلەرى دەر كەزىندە شەشىمىن تاپتى.
جالپى قالا اكىمى بىلتىر 5 مىڭعا جۋىق تۇرعىندى قابىلداسا, بيىل جىل باسىنان بەرى قوعامدىق قابىلداۋ 3 مارتە وتكىزىلگەن.
وسى ورتالىقتا ءار ايدىڭ سوڭعى بەيسەنبىسى كۇنى وتەتىن قوعامدىق قابىلداۋدان بولەك, اپتا سايىن بەكىتىلگەن كەستەگە سايكەس جانە كۇندەلىكتى قاجەتتىلىككە قاراي تۇرعىندارمەن كەزدەسۋ ۇيىمداستىرىلىپ كەلەدى.
«اشىق اكىمدىك» جوباسى اياسىنداعى مۇنداي شارالار قالاعا قاراستى 9 كەنت, اۋىلدىق وكرۋگتەر مەن قالانىڭ ءىرى اۋداندارىندا تۇراقتى ۇيىمداستىرىلادى.
