ءتۋرنيردى جەڭىلىسپەن باستاعان «بارىس» سوڭعى تۋردا دا جانكۇيەرلەرىن قۋانتپادى. حاباروۆسكىگە قوناققا بارعان جەرلەستەرىمىز جەرگىلىكتى «امۋر» كلۋبىمەن كەزدەسىپ, 5:0 ەسەبىمەن ايدىن يەلەرىنە جول بەردى. دەگەنمەن ويىن ناتيجەسى «بارىستىڭ» تۋرنير كەستەسىندەگى ورنىنا كەرى اسەرىن تيگىزگەن جوق.
قحل قورىتىندىسى بويىنشا, اندرەي سكابەلكا شاكىرتتەرى تۇراقتى بىرىنشىلىكتىڭ شىعىس كونفەرەنتسياسىنداعى تۋرنير كەستەسىندە 84 ۇپايمەن ەكىنشى ورىندى يەلەندى. كوش باسىنداعى «اك بارس» (قازان) كلۋبىنان 9 ۇپاي قالىپ قويدى. سونداي-اق چەرنىشەۆ ديۆيزيونىندا ەكىنشى جىل قاتارىنان ءبىرىنشى ورىن يەلەنگەنىن ايتا كەتەيىك. ال جالپى قحل قورىتىندىسىندا جەرلەستەرىمىز ءتورتىنشى ورىننان كورىندى. ەندى «بارىس» ويىنشىلارى گاگارين كۋبوگىنىڭ پلەي-وفف كەزەڭىندە شىعىس كونفەرەنتسياسىندا 7-ورىن يەلەنگەن ماگنيتوگورسكىنىڭ «مەتاللۋرگ» كومانداسىمەن كەزدەسەدى.
العاشقى ەكى ويىن 1 جانە 3 ناۋرىز كۇندەرى نۇر-سۇلتاندا, قارىمتا ماتچ 5 جانە 7 ناۋرىزدا ماگنيتوگورسكىدە وتەدى. پلەي-وفف ەرەجەسىنە سايكەس, كەلەسى كەزەڭگە 4 رەت جەڭىسكە جەتكەن كوماندا شىعادى.
