قوعام • 28 اقپان، 2020

ساقتىققا سالعىرت قاراماڭىز

31 رەتكورسەتىلدى

كوروناۆيرۋستىڭ الەمگە تارالا باستا­عانى تۋرالى العاش­قى حابار تۇسكەننەن باستاپ قازاقستاندا الدىن الۋ شاراسى وتە جوعارى دەڭگەيدە جاسالىپ جا­­تىر. ەڭ الدىمەن، اۋرۋ جۇقتىرىپ الماۋى ءۇشىن قىتايدا جۇرگەن وتانداستارىمىز ەل­گە قاي­­­­تا­رىلدى. ساقتىق شارالارىن جۇرگىزۋ ءۇشىن ۇكى­­­مەتتەن قارجى ءبولىندى. بارلىق وبلىست­اردا ين­­­فەك­­تسيالىق جانە كارانتينگە ارنالعان ورىن دا­­يىن­­دالدى. كارانتيندىك ورىن اۋرۋ تارا­عان ەل­­دەردەن كەلگەن ازاماتتاردى 14 كۇن وق­شاۋ­­لاۋ­عا ارنالدى. بۇل ينكۋباتسيالىق مەرزىم دەپ اتا­لادى. ياعني، ينفەكتسيا جۇققاننان اۋرۋ باس­ت­ال­­عان­عا دەيىنگى ارالىقتى قامتيدى. سوڭعى كەزدە اۋرۋ 24  كۇن وتكەننەن كەيىن بايقالادى دەگەن دە اق­پارات بار. سوعان بايلانىستى ەكى اپتا كا­ران­­تين­دە بولعان ادام جاعدايىنا قاراي ۇيىندە نە­مە­سە باسقا تۇردە جەڭىلدەتىلگەن كارانتيندە بولۋى ءتيىس.

بۇگىنگى تاڭدا بۇل ينفەكتسيا ەلگە كىرگەن جوق. بۇل ۇكىمەتتىڭ، دەنساۋلىق ساقتاۋ مينيسترلىگىنىڭ اتقارعان قىزمەتىنىڭ ناتيجەسى دەپ سانايمىن. ارينە جۇقپالى دەرت كەلمەيدى دەپ بەيقام وتىرۋعا دا بولمايدى. ساقتىق شارالارى كۇشەيتىلگەن كۇيىندە جۇرە بەرەدى. بىراق سوعان كوزقاراس دۇرىس بولىپ، قورعانىس جاعىنان ءاربىرىمىز ۇلەس قوسۋىمىز كەرەك. بۇل ءۇشىن  ەڭ الدىمەن سانيتارلىق گيگيەنانى ساقتاۋ، شەكتەۋ قويىلعان ەلدەرگە بارماۋ، ال سول ەلدەردەن كەلگەندەر كارانتيندىك مەرزىمدى دۇرىس ءتۇسىنىپ، ودان وتكەنى ءجون. بۇل حالىق ءۇشىن، ادامنىڭ دەنساۋلىعى ءۇشىن ىستەلىپ جاتقان جۇمىس.

بۇل اۋرۋدىڭ تاراۋى وتە تەز. قايتىس بولعان ادامدار دا كوپ. بۇكىل قۇرلىقتا تارادى دەۋگە بولادى. دەمەك، بۇل وتە قاتەرلى ينفەكتسيا. سوندىقتان قازاقستاندىقتار وسى ينفەكتسيا شىققان ەلدەرگە بارماعانى ءجون. دەمالامىن دەپ بارىپ اۋرۋ الىپ قايتۋىڭىز ابدەن مۇمكىن. قازاقستان بۇعان دەيىن قۇس تۇماۋى، شوشقا تۇماۋى سياقتى ينفەكتسياعا قارسى تۇرا الدى. ءبىراز تاجىريبە جينالدى. ەگەر ينفەكتسيا تارالا قالعان جاعدايدا ءبىزدىڭ مەديتسينانىڭ كۇشى جەتەدى دەپ ويلايمىن.

جاقسىلىق دوسقاليەۆ،

مەديتسينا عىلىمدارىنىڭ دوكتورى،  پروفەسسور

 

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ەكى قىلمىستىق توپ ۇستالدى

ايماقتار • 05 ماۋسىم، 2020

ۇقساس جاڭالىقتار