رۋحانيات • 28 اقپان، 2020

ءوزارا قۇرمەت پەن سىيلاستىق مەيرامى

35 رەتكورسەتىلدى

قازاقستاندىقتار بيىل 1 ناۋرىز – العىس ايتۋ كۇنىن بەسىنشى رەت اتاپ وتكەلى وتىر. العىس ايتۋ كۇنى – ەلباسى نۇرسۇلتان نازارباەۆتىڭ باستاماسىمەن ءداستۇرلى مەرەكەگە اينالعان، ەلىمىزدى دامىتۋ جولىندا تەر توككەن بارشا قازاقستاندىقتاردىڭ ءبىر-بىرىنە ءىلتيپات بىلدىرەتىن اتاۋلى كۇن. بۇل – ىشكى مازمۇنى قازاق حالقى مەن ەلىمىزدەگى ءتۇرلى ەتنوستاردىڭ ورتاق تاريحىنا قۇرمەت كورسەتۋگە ۇندەيتىن مەرەكە.

وسىناۋ مەرەكە قارساڭىندا ەلباسىنىڭ 2016 جىلى 1 ناۋرىزدا ەلوردادا العىس ايتۋ كۇنىن اتاپ وتۋگە ارنالعان العاشقى سالتاناتتى جيىندا: «العىس ايتۋ كۇنى – ەندى ۇلتتىق كۇنتىزبەدەگى ەڭبەك كۇنى، وتباسى كۇنى سياقتى وزگە دە مەرەكەلەردىڭ قاتارىنداعى جاڭا داتا. مەن بۇل مەرەكە قازىرگى ۋاقىتتا اسا قاجەت ءبىزدىڭ قوعامداعى سەنىمدى، كەلىسىم مەن دوستىقتى بۇرىنعىدان دا نىعايتا تۇسەتىنىنە سەنىمدىمىن»، دەگەن ءسوزى ەسكە تۇسەدى. ءيا، راسىندا بۇل مەرەكە قىسقا عانا ۋاقىتتىڭ ىشىندە بارشا قازاقستاندىقتاردىڭ قولداۋىنا يە بولىپ، رۋحاني ومىرىمىزدەن لايىقتى ورنىن تاپتى. سونداي-اق ونىڭ «مəڭگىلىك ەل» يدەياسى جانە قوعامدىق كەلىسىمدى دامىتۋ مىندەتتەرىمەن تولىق ۇيلەسەتىنى كوڭىلگە جىلىلىق ۇيالاتادى.

نەگىزىندە، العىس ايتۋ كۇنىنىڭ ءمانى قازاقستانعا كۇشتەپ قونىس اۋدارىلعان ءتۇرلى ەتنوستار وكىلدەرىنە مەيماندوس قازاق حالقىنا العىستارىن بىلدىرۋگە مەملەكەتتىك تۇرعىدا مۇمكىندىك بەرىلۋىمەن تىكەلەي قاتىستى. بۇل ءوز كەزەگىندە ەل بىرلىگىنە ۇيىتقى بولار ىشكى ۇندەستىكتىڭ ورنىعۋىنا ىقپالىن تيگىزەتىنى ءسوزسىز. سونداي-اق مەملەكەتتىك سىندارلى ساياساتتىڭ مازمۇنىن اشا تۇسەتىن العىس ايتۋ كۇنى قايىرىمدىلىق ىستەرگە، ءوزارا كومەككە نازار اۋدارۋ كۇنى رەتىندە دە قاراستىرىلادى. بۇعان قوسا، وسى مەرەكەدە قوعامدىق كەلىسىم مەن جاراسىمدىلىقتىڭ ماڭىزدىلىعى دا ايشىقتالا تۇسەدى.

العىس ايتۋ كۇنىن اتاپ ءوتۋ بارىسىندا قازاقتىڭ كەڭپەيىلدىلىگى، مەيى­رىمدىلىگى بارشانىڭ جادىندا قايتا جاڭعىرىپ، ۇلتىمىزدىڭ ادامي قۇندىلىقتارى ايقىن كورىنەدى. اسىرەسە، بۇل مەرەكەدە ەلىمىزدەگى ءتۇرلى ەتنوس وكىلدەرىنىڭ ساناسىندا قازاق حالقىنىڭ وزدەرىنە كورسەتكەن قامقورلىعى اسەرلى جاڭعىرادى.

قورىتا ايتقاندا، بۇل – ەل ىنتىماعىن نىعايتىپ، مەملەكەت مۇددەسىن ءبىر ارنادا توعىستىراتىن جاڭا سيپاتتى مەرەكە.

(العىس ايتۋ كۇنىنە ارنالعان ارنايى ماتەريالداردى 3-بەتتەن وقيسىزدار).

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ەكى قىلمىستىق توپ ۇستالدى

ايماقتار • 05 ماۋسىم، 2020

ۇقساس جاڭالىقتار