ايماقتار • 27 اقپان، 2020

ارىستاعى اعايىن جەتىسۋ جۇرتىنا العىس ايتتى

93 رەتكورسەتىلدى

1 ناۋرىز – العىس ايتۋ كۇنىنىڭ قارساڭىندا «Egemen Qazaqstan» گازەتىنىڭ تالدىقورعانداعى تىلشىلەر قوسىنىنا تۇركىستان وبلىسىنىڭ ارىس قالاسىنىڭ تۇرعىنى روزا ءابدىراحمانوۆا حابارلاسىپ، الماتى وبلىسىنداعى اعايىنعا شىن جۇرەكتەن شىققان انالىق اق تىلەگىن ايتىپ، جەرلەستەرىنىڭ اتىنان اقجارما العىسىن جەتكىزدى.

- مەن جاقىندا تالدىقورعانعا ارنايى بارىپ، وبلىس اكىمى اماندىق باتالوۆتىڭ ەسەپ بەرۋ جيىنىنا قاتىسقان ەدىم. جينالىستان سوڭ ارنايى ءسوز سۇراپ، سىن ساعاتتا ارىس حالقىنىڭ قيىندىعىن ءبولىسىپ، جانىمىزدان تابىلعان، قيراعان ءۇي-جايىمىزدى قالپىنا كەلتىرۋگە كومەك بەرگەن جەتىسۋ  جۇرتىنا، اكىمشىلىك قىزمەتكەرلەرگە، قۇرىلىسشىلارعا راحمەتىمدى ايتىم. العىس ايتۋ كۇنىنە وراي جەرلەستەرىمنىڭ اتىنان سىزدەردىڭ گازەت ارقىلى تاعى دا ريزاشىلىعىمىزدى جەتكىزگىمىز كەلەدى، - دەيدى ارىس قالاسىنىڭ تۇرعىنى روزا ءابدىراحمانوۆا.

وتكەن جىلى ارىس قالاسىندا ورنالاسقان اسكەري قارۋ-جاراق قويماسىندا جارىلىس بولىپ، بەيبىت تۇرعىندار زارداپ شەككەن-ءدى. كوپتەگەن تۇرعىن ءۇي قيراپ، مىڭداعان ادام باسپاناسىز قالدى. ارىس تراگەدياسىنىڭ سالدارىن جويۋعا تۇتاس قازاقستان جۇرتى جۇمىلىپ، مەملەكەت تاراپىنان ارنايى شارا قابىلدانعان ەدى. قالاداعى قيراعان ۇيلەردى جوندەۋگە ەلىمىزدىڭ بارلىق ايماعى كىرىسىپ، وبلىس اكىمدىكتەردى ءار اۋماق بويىنشا جاۋاپتى بولدى. قالىپقا كەلتىرۋ جۇمىستارىنا الماتى وبلىسى دا بەل شەشە كىرىسىپ، قۇرىلىسقا قارقىن قوستى.

- ارىس وقيعاسى جەتىسۋ حالقىنىڭ دا قابىرعاسىن قايىستىردى. تۇرعىندار زارداپ شەككەن ادامدارعا ەرىكتى تۇردە كومەك كورسەتۋدى قولعا الىپ، ازىق-ت ۇلىك، كيىم-كەشەك، قۇرىلىسقا قاجەتتى زاتتار جيناۋدى ۇيىمداستىرىپ، اقشالاي دا كومەك بەرۋگە كىرىستى. وبلىستان بىرنەش رەت قايىرىمدىلىق كەرۋەنى جاساقتالىپ، ارىسقا جونەلتىلدى. مۇنىڭ ءبارى قازاق حالقىنىڭ قايىرىمدى، قيىندىقتى بىرگە جەڭۋگە جۇمىلاتىن اۋىزبىرلىگىن كورسەتتى. ال مەملەكە باسشىسى قاسىم-جومارت توقاەۆ ارىس قالاسىنا ارنايى بارىپ، تۇرعىندارمەن كەزدەستى. وسى جولى زاقىمدانعان ءۇي مەن عيماراتتاردى تولىق جوندەۋگە تاپسىرما بەردى. بۇل اۋىرتپالىقتى ءار وبلىس كوتەرەتىن بولدى. قالانى جەكەلەگەن سەكتورعا ءبولىپ قالىپقا كەلتىرۋدىڭ جولىن ايتتى. الماتى وبلىسىنىڭ ۇلەسىنە 15- ۋچاسكە ءتيدى. ءبىز قالىپقا كەلتىرۋ جۇمىسىن جەدەل باستادىق. سونداي-اق،  ارىس مەكتەپتەرتىندە وقيتىن 150 بالانى جەتىسۋدىڭ تابيعاتى تاماشا دەمالىس ورىندارىندا تەگىن دەمالۋعا شاقىرىپ، جازعى كانيكۋلدى قىزىقتى وتكىزۋگە كۇش سالدىق، - دەپ ەسكە الادى بۇل تۋرالى وبلىس اكىمى اماندىق باتالوۆ.

بىلتىر ارىس قالاسىن قالپىنا كەلتىرۋگە الماتى وبلىسىنىڭ بيۋدجەتىنەن 11 ميلليارد 393 ميلليون تەڭگە بولىنگەن ەكەن. بۇل قارجىنىڭ 1 065 700 مىڭ تەڭگەسى جۇمسالىپ،  58 898 000 تەڭگە اقشا ۇنەمدەلىپتى. بۇدان بولەك ەل ۇكىمەتىنىڭ قوسالقى قورىنان بولىنگەن 1 ميلليارد تەڭگە قارجىنى دا وبلىستىڭ قۇرىلىس كومپانيالارى يگەرىپ، قالپىنا كەلتىرۋ جۇمىستارىنا جۇمسادى. جەتىسۋلىق كومپانيالار جوندەۋ جۇمىستارىن تولىق اياقتاپ، تۇرعىن ءۇي مەن عيماراتتاردى كورسەتىلگەن مەرزىمدە پايدالانۋعا بەردى. ياعني، 802 جەكە باسپانا تولىقتاي جاڭعىرتىلىپ، 18 تۇرعىن ءۇيدىڭ قۇرىلىسى دەر كەزىندە ءبىتتى.  

– وتكەن جىلى 24 ماۋسىم كۇنى ارىستىقتاردىڭ باسىنا اۋىر قايعى ءتۇستى. ورىن العان توتەنشە جاعداي حالقىمىزدىڭ قابىرعاسىن قايىستىردى. مەملەكەت باسشىسى قاسىم-جومارت توقاەۆ ارنايى كەلىپ، قازاقستاندىقتاردى ارىسقا كومەك قولىن سوزىپ، قالانى قالپىنا كەلتىرۋگە شاقىردى. وسىدان كەيىن ەلىمىزدىڭ تۇكپىر-تۇكپىرىنەن ارىسقا كومەك اعىلدى. ارىس قالاسىن قالپىنا كەلتىرۋدىڭ جوسپارى جاسالىپ، قالا 17 بولىككە ءبولىندى. سولاردىڭ ىشىندەگى تۇرعىن ۇيلەرى، الەۋمەتتىك، كوممەرتسيالىق نىساندارى كوپ، ادامى تىعىز ورنالاسقان ءبىز تۇرعان اۋماقتى قالپىنا كەلتىرۋ مىندەتى الماتى وبلىسىنا بەرىلدى. جەتىسۋلىقتارعا ءدان ريزامىز. وبىلس اكىمىنڭ ءبىرىنىش ورىنباسارى ءلاززات تۇرلاشەۆ باستاعان توپ جاز بويى ارىستا، قۇىرلىس باسىندا ءجۇردى. اماندىق باتالوۆتىڭ ءوزى دە بىرنەش كەلىپ، جۇمىستى كوردى. ءبىز كۇن سۋىعانعا دەيىن باسپانامىز جوندەلسە دەگەن تىلەكپەن جۇردىك. راحمەت، جەتىسۋلىقتا رازاما تەكەن. ارادا بىرنەشە اي وتپەي قالا قالپىنا كەلىپ، ۇيلەرىمىز جوندەلودى، كەيبىرى جاڭادان سالىندى. 2020 جىلدى سول جاڭا ۇيىمىزدە قارسى الدىق. جەتىسۋ جۇرتىنان اينالايىن، – دەيدى ارىس قالاسىنىڭ تۇرعىنى روزا ءابدىراحمانوۆا.

سوڭعى جاڭالىقتار

ۇقساس جاڭالىقتار