ايماقتار • 27 اقپان، 2020

VIP ءنومىر الۋدان الماتىلىقتار كوش باستاپ تۇر

39 رەتكورسەتىلدى

«ازاماتتارعا ارنالعان ۇكىمەت» مەملەكەتتىك كورپوراتسياسىنىڭ مالىمەتىنە سايكەس قىمبات نومىرلەردى ساتىپ الۋشىلار ءتىزىمىن الماتى قالاسى باستاپ تۇر. الماتىلىقتار 1،2 ملرد تەڭگە كولەمىندە 4،5 مىڭ ءنومىر ساتىپ العان. وڭتۇستىك استانادان بولەك VIP نومىرلەر ۇلكەن سۇرانىسقا يە ايماقتار قاتارىندا نۇر-سۇلتان (2 مىڭعا جۋىق ءنومىر) جانە شىمكەنت (1،5 استام ءنومىر) قالالارى بار. بۇل ءتىزىمدى سولتۇستىك قازاقستان وبلىسى اياقتاپ، 99 جۇرگىزۋشى VIP نومىرلەردى ساتىپ العان.

الايدا، قازىرگى تاڭدا اتالمىش نومىرلەردىڭ ساتىلىمى تومەندەۋدە. ەگەر 2019 جىلى مامانداندىرىلعان حقو ارقىلى قازاقستاندىقتار جالپى سوماسى ءۇش ميللياردتان استام تەڭگەنى قۇرايتىن 12،5 مىڭ ادەمى ءنومىردى ساتىپ السا، 2018 جىلى 15000 مىڭداي VIP ءنومىر 3،5 ملرد تەڭگەگە ساتىلعان. بۇل جارتى ميللياردقا كوپ.

سونىمەن، ستاتيستيكاعا سايكەس وتكەن جىلدىڭ قاڭتارىندا الماتىدا 541 ءنومىر 136 450 100 تەڭگەگە ساتىلعان. ال، 2020 جىلدىڭ قاڭتارىندا 503 ءنومىر 136 450 100 تەڭگەگە ساتىلعان.

سونىمەن قاتار 2019 جىلدىڭ 1 ماۋسىمىنان باستاپ كەرەكتى ساندار مەن ءارىپ بەلگىلەرى بار نومىرلەردى مامانداندىرىلعان حقو-لار مەن قر ءىىم ارنايى تىركەۋ-تەستىلەۋ بولىمشەلەرىنەن الۋعا بولاتىن. ەندى بۇنداي نومىرلەر مامانداندىرىلعان حقو عانا قول جەتىمدى. ولارمەن ارنايى ستەندتاردا تانىسۋعا بولادى. ەگەر قالاعان ءنومىر ستەندتا جوق بولسا قىزمەت الۋشى الدىن الا ساندىق جانە ارىپتىك بەلگىلەردى انىقتاپ الىپ، تاپسىرىس بەرە الادى. VIP-نومىرلەر نۇر-سۇلتان مەن الماتى قالالارى ءۇشىن 5 كۇن، قالعان ايماقتارعا 15 كۇنتىزبەلىك كۇن ىشىندە دايىن بولادى. نومىرلەر ازىرلەنگەننەن كەيىن عانا اۆتوكولىكتەر تىركەلەدى.

 

الماتى

سوڭعى جاڭالىقتار

ۇقساس جاڭالىقتار