ايماقتار • 27 اقپان، 2020

تۇركىستان وبلىسىنىڭ سىرتقى ساۋدا اينالىمى 580، 7 ملن اقش دوللارىن قۇرادى

28 رەتكورسەتىلدى

وبلىس وزبەكستانمەن ىرگەلەس ورنالاسقاندىقتان ەكى ەل اراسىنداعى ساۋدا اينالىمىن ۇلعايتىپ، شەكارادان وتەتىن جەكە تۇلعالارعا قولايلى جاعدايلار جاسالعان. بۇل ورايدا «قازىعۇرت»، «قاپلانبەك»، «ب.قونىسباەۆ»، «اتامەكەن» كەدەن بەكەتتەرىن جاڭعىرتۋ جۇمىستارى جۇرگىزىلۋدە.

تۇركىستان وبلىسى بويىنشا مەملەكەتتىك كىرىستەر دەپارتامەنتى وتكەن جىلى بيۋدجەت جوسپارىن 101،2 پايىزعا ورىنداعان. بيۋدجەتكە ناقتى 194 ملرد 593 ملن تەڭگە ءتۇسىم ءتۇستى. وتكەن جىلدىڭ قورىتىندىسىمەن ەلىمىز بويىنشا 2 ورىندى يەلەنگەن دەپارتامەنت باسشىسى دۋلات ءنۇرمولديننىڭ مالىمدەۋىنشە،  رەسپۋبليكالىق بيۋدجەتكە ناقتى 130 ملرد 442 ملن تەڭگە ءوندىرىلىپ، جوسپار 107%-عا ورىندالعان. تۇسىمدەردىڭ ءوسۋ قارقىنى الدىڭعى جىلمەن سالىستىرعاندا 39 پايىزعا وسكەن. بۇدان وزگە، مەملەكەتتىك قىزمەت كورسەتۋ ساپاسىن ارتتىرۋ ءۇشىن وبلىستىڭ 16 مەملەكەتتىك كىرىستەر باسقارمالارىندا 18 اقپاراتتى قابىلداۋ، وڭدەۋ جانە بەرۋ ورتالىقتارى ورنالاسقان. ال شەكاردان ءوتۋ ۋاقىتى بويىنشا وتكەن جىلعى ينديكاتور 57 مينۋتتى قۇراعان. ورتاشا ۋاقىتى 35 مينۋتقا جەتكىزىلگەن.

كەدەندىك بەكەتتەر ارقىلى زاڭسىز ەسىرتكى تاسىمالىنا قاتىستى «قازىعۇرت» كەدەن بەكەتىندە - 16 قۇقىق بۇزۋشىلىق، «جىبەك جولىندا»  - 11، «قاپلانبەكتە» - 4 جانە «اتامەكەن» كەدەن بەكەتىندە - 1 دەرەك انىقتالعان. «جىبەك جولى» كەدەن بەكەتىندە جالپى سالماعى 12 كەلى بولاتىن «گەروين» جانە سالماعى 3،522 كەلى «كاننابيس سمولاسىن» ءىرى كولەمدە جاسىرىن الىپ ءوتۋ فاكتىسى تىركەلگەن. سونىمەن قاتار، «اتامەكەن» كەدەن بەكەتىندە جالپى سالماعى 2 كەلى «گەروين» تۇرىندەگى ەسىرتكى زاتتارىنىڭ كەدەندىك باقىلاۋدان تىس الىپ ءوتۋ فاكتىسى تىركەلىپ، قۇقىق قورعاۋ ورگاندارىنا ءتيىستى شارا قولدانۋ ءۇشىن جولداندى»، دەدى دەپارتمەنت باسشىسى.

سوڭعى جاڭالىقتار

ۇقساس جاڭالىقتار