قازاق بولمىسىنىڭ ايناسى سانالاتىن اباي مەرەيتويىنا ارنالعان كورمە اقىن اتىنداعى ۇلتتىق پەداگوگيكالىق ۋنيۆەرسيتەتتە اشىلۋى زاڭدى دا, دەيدى ۇيىمداستىرۋشىلار. اتالمىش جوعارى وقۋ ورنىنىڭ ونەر, مادەنيەت جانە سپورت ينستيتۋتى (بۇرىنعى كوركەم-گرافيكا فاكۋلتەتى) مەن قازاق ۇلتتىق ونەر اكادەمياسىنىڭ كەسكىندەمە, ءمۇسىن جانە ديزاين فاكۋلتەتى كوپ جىلداردان بەرى تىعىز ىسكەرلىك قارىم-قاتىناستا.
ەكى جوعارى وقۋ ورنى دا ەلدەگى جەتەكشى وقۋ ورىندارىنىڭ ءبىرى بولىپ سانالادى. ەكى جوو اراسىنداعى تىعىز بايلانىس ورناتۋ بۇگىنگى ءبىلىم بەرۋ جۇيەسىنىڭ وزەكتى تۇسى, وسىنداي بىرلەسكەن ءىس-شارالاردى وتكىزۋ وقىتۋشىلار مەن ستۋدەنتتەردىڭ ءوزارا تاجىريبە الماسۋىنا, ءوز ەڭبەكتەرىن وزگە ورتادا كورسەتۋگە, شىعارماشىلىق ورتانى قالىپتاستىرۋ ىسىنە ىقپال ەتەرى ءسوزسىز.
الماتى
