سپورت • 26 اقپان، 2020

قحل: «بارىس» سوڭعى تۋردا جەڭىلدى

12 رەتكورسەتىلدى

قۇرلىقتىق حوككەي ليگاسىنىڭ (قحل) سوڭعى تۋر ويىنىن سىرت ايدىندا وتكىزگەن ەلوردانىڭ «بارىس» كلۋبى جەڭىسكە جەتە المادى.

ءتۋرنيردى جەڭىلىسپەن باستاعان «بارىس» سوعى تۋردا دا جانكۇيەرلەرىن قۋانتا المادى. حاباروۆسكىگە قوناققا بارعان جەرلەستەرىمىز جەرگىلىكتى «امۋر» كلۋبىمەن كەزدەسىپ، 5:0 ەسەبىمەن ايدىن يەلەرىنە جول بەردى. دەگەنمەن وينىنىڭ ناتيجەسى «بارىستىڭ» تۋرنير كەستەسىندەگى ورنىنا كەرسى اسەرىن تيگىزگەن جوق. جالپى، بيىلعى تۇراقتى بىرىنشىلىكتە ەكى كوماندانىڭ جولى 4 رەت ءتۇيىستى. ءۇش كەزدەسۋدە جەرلەستەرىمىز جەڭىسكە جەتسە، سوڭعى ويىندا «امۋردىڭ» ءباسى بيىك بولدى.

قحل قورىتىندىسى بويىنشا، اندرەي سكابەلكا شاكىرتتەرى تۇراقتى بىرىنشىلىكتىڭ شىعىس كونفەرەنتسياسى بويىنشا تۋرنير كەستەسىندە 84 ۇپايمەن ەكىنشى ورىندى يەلەندى. كوش باسىنداعى «اك بارس» (كازان) كلۋبىنان 9 ۇپاي قالىپ قويدى. سونداي-اق چەرنىشەۆ ديۆيزيونىندا ەكىنشى جىل قاتارىنان ءبىرىنشى ورىن يەلەنگەنىن ايتا كەتەيىك. ال جالپى قحل قورىتىندىسى بويىنشا جەرلەستەرىمىز ءتورتىنشى ورىننان كورىندى.

ەندى «بارىس» ويىنشىلارى گاگارين كۋبوگىنىڭ پلەي-وفف كەزەڭىندە شىعىس كونفەرەنتسياسىندا 7-ورىن يەلەنگەن ماگنيتوگورسكىنىڭ «مەتاللۋرگ» كومانداسىمەن كەزدەسەدى. العاشقى ەكى ويىن 1 جانە 3 ناۋرىز كۇنى نۇر-سۇلتاندا، قارىمتا ماتچ 5 جانە 7 ناۋرىزدا ماگنيتوگورسكىدە وتەدى. پلەي-وفف ەرەجەسىنە سايكەس، كەلەسى كەزەڭگە 4 رەت جەڭىسكە جەكەن كوماندا عانا شىعادى. ەگەر 4 ويىندا جەڭىسكە جەتكەن كوماندا انىقتالماسا، تاعى قوسىمشا ءۇش ماتچ وينالادى. 9 ناۋرىز نۇر-سۇلتاندا، 11 ناۋرىز ماگنيتوگورسكىدە جانە 13 ناۋرىز نۇر-سۇلتاندا وتەدى.

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار