ايماقتار • 26 اقپان، 2020

تۇركىستان: اقتوبەلىك انا جەتىسايعا ارنايى كەلىپ، قايىرىمدىلىق جاسادى

42 رەتكورسەتىلدى

تۇركىستان وبلىسىندا جۇزەگە اسىرىلىپ جاتقان «قامقورلىق» جوباسى وزگە وڭىرلەردەن دە قولداۋ تابا باستادى.  ۇلگى الارلىق شاراعا وزىندىك ۇلەسىن قوسقان اقتوبە وبلىسىنىڭ تۇرعىنى گۇلبارام قابىلانقىزى جەتىساي اۋدانىنا ارنايى كەلىپ قايىرىمدىلىق جاسادى.

اقتوبەلىك انا اۋىلداعى مۇقتاج جاندارعا ەكى باس ءىرى قارانىڭ ەتىن 30-عا جۋىق وتباسىنا تاراتتى. سونداي-اق جەتىساي قالاسى مەن اسىق-اتا كەنتىندە ورنالاسقان بالالارعا ارنالعان ەكى وڭالتۋ ورتالىعىنىڭ توسەك-ورنىن تۇگەلدەي جاڭارتىپ، قاجەتتى تۇرمىس جيھازدارىن سىيعا تارتتى.

تۇركىستان

«ۇلتىمىزدىڭ جاقسى قاسيەتتەرىنىڭ اسىلى - جومارتتىق، كەڭپەيىلدىلىك. تۇركىستان وبلىسىندا «قامقورلىق» باعدارلاماسىنىڭ بارىن ەستىپ، از دا بولسا مۇقتاج جاندارعا كومەك كورسەتەيىن دەپ شەشتىم. بۇگىن بار دۇنيە ەرتەڭ جوق. بالالارىمنىڭ ءبارى قولدادى»، – دەيدى اق جاۋلىقتى انا گۇلبارام قابىلانقىزى. ءوز كەزەگىندە جەرگىلىكتى اكىمدىك وكىلدەرى الىستان ارنايى كەلگەن اناعا العىستارىن ءبىلدىرىپ، ەستەلىك سىي-سياپات جاسادى.

تۇركىستان وبلىسى

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار