اقتوبەلىك انا اۋىلداعى مۇقتاج جاندارعا ەكى باس ءىرى قارانىڭ ەتىن 30-عا جۋىق وتباسىنا تاراتتى. سونداي-اق جەتىساي قالاسى مەن اسىق-اتا كەنتىندە ورنالاسقان بالالارعا ارنالعان ەكى وڭالتۋ ورتالىعىنىڭ توسەك-ورنىن تۇگەلدەي جاڭارتىپ, قاجەتتى تۇرمىس جيھازدارىن سىيعا تارتتى.
«ۇلتىمىزدىڭ جاقسى قاسيەتتەرىنىڭ اسىلى - جومارتتىق, كەڭپەيىلدىلىك. تۇركىستان وبلىسىندا «قامقورلىق» باعدارلاماسىنىڭ بارىن ەستىپ, از دا بولسا مۇقتاج جاندارعا كومەك كورسەتەيىن دەپ شەشتىم. بۇگىن بار دۇنيە ەرتەڭ جوق. بالالارىمنىڭ ءبارى قولدادى», – دەيدى اق جاۋلىقتى انا گۇلبارام قابىلانقىزى. ءوز كەزەگىندە جەرگىلىكتى اكىمدىك وكىلدەرى الىستان ارنايى كەلگەن اناعا العىستارىن ءبىلدىرىپ, ەستەلىك سىي-سياپات جاسادى.
تۇركىستان وبلىسى
