ايماقتار • 26 اقپان، 2020

ورالدا مەيىربەك تاجقۇرانوۆتىڭ «مەكەنىم – قازاقستان» اتتى فوتوكورمەسى اشىلدى

64 رەتكورسەتىلدى

ورال قالالىق كورمە زالىندا جەرگىلىكتى جاس فوتوگراف مەيىربەك تاجقۇرانوۆتىڭ «مەكەنىم – قازاقستان» اتتى فوتوكورمەسى اشىلدى. بۇل تالانتتى فوتوشەبەردىڭ ەكىنشى كورمەسى. مەيىربەكتىڭ تۋىندىلارى تۇڭعىش رەت كورەرمەن نازارىنا 2018 جىلى ءدال وسى كورمە زالىندا ۇسىنىلعان بولاتىن.

مەيىربەك وقۋشى كەزىنەن-اق فوتوونەرمەن شۇعىلدانادى. تمد ەلدەرى جاستارى اراسىندا وتەتىن دەلفي ويىندارىنا «فوتوگرافيا» جانرى بويىنشا قاتىسىپ، ءۇش جىل قاتارىنان جۇلدەگەر بولعان مەيىربەك تاجقۇرانوۆ فوتونى ونەر رەتىندە باعالايدى. قازاق فوتوونەرى تاريحىنا دا قىزىعىپ، شاڭگەرەي بوكەەۆ شىعارماشىلىعىن زەرتتەپ، ناسيحاتتاپ جۇرگەنى تاعى بار.

وروالمەيىربەكتىڭ تالعامى بيىك، قابىلەتى كۇشتى. كەي زامانداستارى فوتواپپارات اسىنىپ، توي-تومالاقتىڭ اينالاسىنان شىعا الماي جۇرگەندە، بۇل تۋعان جەردىڭ تابيعاتى مەن تاريحي-مəدەني ورىندارىن ارالاپ، سولاردى حاتتاۋمەن شۇعىلدانىپ ءجۇر، - دەيدى ورالدىق بەلگىلى فوتوگراف، قازاقستان جۋرناليستەر وداعىنىڭ مۇشەسى رافحات حالەلوۆ.ووال

شىنىندا دا مەيىربەك ەلىمىزدەگى ارىپتەستەرىمەن بىرگە ءتۇرلى بلوگ-تۋرلارعا قاتىسىپ، ىسساپارعا ءجيى شىعادى. ەلىمىزدىڭ قايتالانباس تابيعاتىن، ءجاي ادام كۇندەلىكتى بايقاي بەرمەيتىن تىلسىم تابيعات كورىنىستەرىن مەيىربەك قالت جىبەرمەيدى.

سۋرەت

وتكەن جىلدىڭ سوڭىندا باتىس قازاقستان وبلىستىق ىشكى ساياسات باسقارماسىنىڭ قولداۋىمەن، «بولاشاق» قاۋىمداستىعىنىڭ ۇيىمداستىرۋىمەن 4 كۇنگە سوزىلعان ۇلكەن بلوگ تۋرعا قاتىسىپ، اق جايىق ولكەسىنىڭ تاريحي ءھام كيەلى جەرلەرىن ارالاپ شىققان بولاتىن. «مەكەنىم - قازاقستان!» فوتوكورمەسىنە دە وسىنداي ساپارلاردان تۇسىرىلگەن تىڭ دۇنيەلەر قويىلعان.  

ورال

فوتوكورمە ورال كورمە زالىندا بيىلعى 3 ناۋرىزعا دەيىن تۇرادى.

 

باتىس قازاقستان

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار