سايلاۋ الدىندا بارلىق ساياسي پارتيالار حالىققا ءوز تۇعىرناماسىن جاريالاپ, سايلانعان جاعدايدا قانداي يگىلىكتى ىستەر اتقاراتىنىن ۇسىنادى. 2011 جىلعى ءماجىلىس سايلاۋىنىڭ الدىندا «نۇر وتان» حدپ ءوز تۇعىرناماسىن جاريالاعان بولاتىن. حالىق ونىڭ ورىندالاتىنىنا سەنىم ءبىلدىرىپ, كوپشىلىك داۋىسپەن قولدادى. ەندى سول ۋادەلەردىڭ بۇگىنگى كۇنى استانا قالاسىندا ورىندالۋى بارىسى جونىندە پارتيانىڭ ەلوردالىق فيليالى توراعاسىنىڭ ءبىرىنشى ورىنباسارى ساپار احمەتوۆتەن سۇراعان ەدىك.
سايلاۋ الدىندا بارلىق ساياسي پارتيالار حالىققا ءوز تۇعىرناماسىن جاريالاپ, سايلانعان جاعدايدا قانداي يگىلىكتى ىستەر اتقاراتىنىن ۇسىنادى. 2011 جىلعى ءماجىلىس سايلاۋىنىڭ الدىندا «نۇر وتان» حدپ ءوز تۇعىرناماسىن جاريالاعان بولاتىن. حالىق ونىڭ ورىندالاتىنىنا سەنىم ءبىلدىرىپ, كوپشىلىك داۋىسپەن قولدادى. ەندى سول ۋادەلەردىڭ بۇگىنگى كۇنى استانا قالاسىندا ورىندالۋى بارىسى جونىندە پارتيانىڭ ەلوردالىق فيليالى توراعاسىنىڭ ءبىرىنشى ورىنباسارى ساپار احمەتوۆتەن سۇراعان ەدىك.
– بۇگىندە استانادا 37 مىڭ نۇروتاندىق بار. بۇل – 800 مىڭداي تۇرعىنى بار شاھار ءۇشىن ۇلكەن ساياسي كۇش. جالپى, قالا بويىنشا التى فيليالىمىز بار. ال «نۇر وتان» حدپ استانا قالالىق فيليالىنىڭ جۇمىسى وتە ۇلكەن جاۋاپكەرشىلىكتى تالاپ ەتەدى. ويتكەنى, ەلىمىزدىڭ بارلىق ايماقتارى ەل استاناسىنا قاراپ بوي تۇزەيتىنى بەلگىلى.
– ساپار قايرات ۇلى, پارتيانىڭ سايلاۋالدى تۇعىرناماسى بويىنشا قانداي ناقتى جۇمىستار جۇرگىزىلىپ جاتىر.
– بۇل جۇمىستى ءبىز پارتيا توراعاسىنىڭ ءبىرىنشى ورىنباسارى باۋىرجان بايبەكتىڭ 2013 جىلعا بەكىتكەن جوسپارى بويىنشا جۇرگىزۋدەمىز. ۇستىمىزدەگى جىلدىڭ ناۋرىز ايىندا قالالىق ماسليحاتتاعى «نۇر وتان» حدپ دەپۋتاتتىق فراكتسياسى مۇشەلەرىنىڭ قاتىسۋىمەن كەڭەيتىلگەن ءماجىلىس وتكىزىلدى. ماجىلىستە ەڭ الدىمەن كاسىپكەرلىكتى دامىتۋ جانە استانالىقتاردىڭ «حالىقتىق ءىرو» باعدارلاماسىنا قاتىسۋ ماسەلەسى قارالدى. قالا تۇرعىندارىنىڭ اراسىندا جۇرگىزىلگەن بەلسەندى جۇمىستاردىڭ ناتيجەسىندە «ترانسويل» كومپانياسى ءىرو-سىنىڭ 10 پايىزدان استام مولشەرىن استانالىقتار ساتىپ الدى. سونىمەن قاتار, وسى وتىرىستا بىرقاتار باسقارمالاردىڭ ەسەبى تىڭدالىپ, وزەكتى ماسەلەلەر تالقىلاندى. ورىندى ۇسىنىستار ايتىلدى.
ەلىمىزدە قولعا الىنعان ۇدەمەلى يندۋستريالىق-يننوۆاتسيالىق دامۋ باعدارلاماسىن ىسكە اسىرۋ بويىنشا ارنايى ەكونوميكالىق ايماق جۇمىس ىستەۋدە. وسى باعىت بويىنشا اتقارىلعان جۇمىستار تۋرالى باسقارۋ ديرەكتسياسىنىڭ باسشىسى ەسەپ بەردى. باسقارما قازىرگى ۋاقىتتا 46 باعدارلامانى قولعا العان بولسا, سونىڭ 11-ءى ىسكە قوسىلعان. ال قالعان باعدارلامالاردىڭ ورىندالۋ بارىسى, وعان قۇيىلاتىن ينۆەستيتسيا مولشەرى, جاڭا جۇمىس ورىندارىنىڭ اشىلۋى جانە ولاردىڭ قالا ەكونوميكاسىنا قوساتىن ۇلەسى تۋرالى اقپارات بەرىلىپ, ناقتى قانداي دەڭگەيدە, قانشا ۋاقىتتا, قانداي جۇمىستار اتقارىلاتىنى جونىندە ايتىلدى. سونداي-اق, تۇرعىن ءۇي باعدارلاماسى بويىنشا اتقارىلعان جۇمىستار جونىندە ەنەرگەتيكا جانە كوممۋنالدىق جۇيەلەردى دامىتۋ مەن تۇرعىن ءۇي ينسپەكتسياسى باسقارماسىنىڭ باسشىلارى ەسەپ بەردى.
سالا جەتەكشىلەرىنىڭ بايانداماسى تىڭدالىپ قانا قويعان جوق, وعان كوپتەگەن ۇسىنىستار دا ەنگىزىلدى. اتالعان ماسەلەلەردى جۇزەگە اسىرۋ بويىنشا ارناۋلى كەستە جاسالىپ, پارتيا فيليالىنىڭ قاداعالاۋىنا الىندى. جاقىن ارادا الەۋمەتتىك ماڭىزدى ماسەلەلەردى قاراستىرۋ ماقساتىندا وتىرىس وتكىزۋ جوسپارلانىپ وتىر. بۇل وتىرىستا «قولجەتىمدى تۇرعىن-ءۇي-2020» جانە «جۇمىسپەن قامتۋ-2020» باعدارلامالارىنىڭ ورىندالۋ بارىسى تىڭدالادى.
الەۋمەتتىك ماسەلەدەگى الدىنعى ورىندا حالىققا مەديتسينالىق قىزمەت كورسەتۋ سالاسى تۇرادى. سوندىقتان وسى ءماسەلە دە نازاردان تىس قالماي, جاۋاپتى باسشىلار وزدەرىنىڭ ەسەپتەرىن بەرەتىن بولادى. فراكتسيا مۇشەلەرى ولاردىڭ اقپاراتتارىنىڭ جوباسىمەن الدىن الا تانىسىپ, ۇسىنىستارى مەن كەڭەستەرىن دايىندايدى. بيىلعى جىلدىڭ ءتورتىنشى توقسانىندا ءبىلىم سالاسىنىڭ دامۋ باعىتتارىن قاراستىرۋ دا كوزدەلىپ وتىر. قالاداعى كوپتەگەن سالانىڭ باسشىلارى «نۇر وتاننىڭ» مۇشەسى. ولارعا پارتيانىڭ سايلاۋشىلارعا ۋادە ەتكەن تۇعىرناماسىنىڭ ورىندالۋى مىندەت ەتىپ جۇكتەلگەن. سوندىقتان بۇل جۇمىستار پارتيا تاراپىنان ءجىتى قاداعالانۋدا.
– حالىقپەن جۇمىس ىستەۋ ماسەلەلەرى قالاي بولىپ جاتىر؟
– حالىقپەن جۇمىس ىستەۋ – پارتيا جۇمىسىنىڭ ەڭ ماڭىزدى باعىتتارىنىڭ ءبىرى. جۋىردا ءبىز ءوز جۇمىسىمىزدىڭ ءبىرىنشى جارتىجىلدىقتا اتقارىلۋ دەڭگەيىنە ساراپتاما جاساپ, قالاداعى بارلىق فيليال قىزمەتىنە زەرتتەۋ جۇرگىزگەن باقىلاۋ-تەكسەرۋ كوميسسياسى قورىتىندى اقپارات جاريالادى. ەندى وسى ساراپ
