ەستە بولسا, بىلتىر ماۋسىم ايىندا ۇلتتىق قاۋىپسىزدىك كوميتەتى اتىس قارۋىن جەتكىزۋمەن زاڭسىز اينالىسقان حالىقارالىق ارنانىڭ جولىن كەسكەن بولاتىن.
«زاڭسىز اينالىمنان 3 «كالاشنيكوۆ» اۆتوماتى, 3 گراناتااتقىش, 2 جاۋىنگەرلىك گراناتا, 14 تاپانشا, 1700-دەن استام پاترون مەن قارۋدىڭ كەرەك-جاراعى الىندى. وسىعان بايلانىستى الماتى قالاسى مەن الماتى وبلىسىنىڭ 10 تۇرعىنى قىلمىستىق جاۋاپقا تارتىلعان ەدى. سوتقا دەيىنگى تەرگەۋ بارىسىندا ىشكى ىستەر ورگاندارى قىزمەتكەرىنىڭ قىلمىسقا قاتىسى بارى انىقتالدى. لاۋازىمدى ادام قر ءىىم تەڭگەرىمىندە تۇرعان وق-ءدارىنى ۇرلاپ كەلگەن» دەپ حابارلادى كوميتەت وكىلدەرى.
سونىمەن قاتار قارۋ قۇراستىرۋ بويىنشا جاسىرىن شەبەرحانانىڭ ارەكەتى توقتاتىلعان. بيىلعى 27 قاڭتاردا الماتى قالاسى المالى اۋداندىق سوتىنىڭ ۇكىمىمەن ايىپتالۋشىلار ءارتۇرلى مەرزىمگە باس بوستاندىعىنان ايىرىلدى.
