ال كۇنى كەشە كاسىپكەر كەزەكتى رەت قايىرىمدىلىق جاساپ, مۇمكىندىگى شەكتەۋلى بالا اسىراپ وتىرعان اناعا 4 بولمەلى ءۇيدى تارتۋ ەتتى. تۇرعىن ءۇي تاۋقىمەتىن تارتقان جالعىزباستى انا ايگۇل سادىقوۆا ءۇش بالاسىمەن بىرگە جىلدار بويى اۋىلداعى جۇپىنى لاشىقتى پانالاپ كەلگەن. قازىعۇرت اۋدانىنىڭ باسشىلىعى بۇل وتباسىنا دەمەۋشى تاۋىپ, باسپانالى بولۋىنا قولعابىس ەتتى. «بولاشاق» مولتەك اۋدانىندا ورنالاسقان جاڭا ءۇي جارىقپەن, تابيعي گازبەن قامتىلعان, اۋىزسۋ جۇيەسى جۇرگىزىلگەن. وڭىردە قارقىن العان «قامقورلىق» جوباسى اياسىندا قازىعۇرت اۋىلىنىڭ كاسىپكەرلەرى جۇمىسسىز انانىڭ جاڭا قونىسىنا ءۇي-جيھازدارىن تارتۋ ەتىپ, ازىق-ت ۇلىك الىپ بەردى. باسپانالى بولعان وتباسىنداعى بالالاردىڭ قۋانىشىندا شەك جوق, قايىرىمدى جاندارعا ايتار العىسى شەكسىز.
ايتا كەتەيىك, تۇركىستان وبلىسىندا جۇزەگە اسىپ جاتقان «قامقورلىق» باعدارلاماسى اياسىندا قازىعۇرت اۋدانى بويىنشا 86 وتباسىنا جەتەكشى بەكىتىلىپ, جان-جاقتى كومەك كورسەتىلگەن. جالپى, وبلىس بويىنشا 2 مىڭعا جۋىق وتباسىنا جوبا اياسىندا قامقورلىق جاسالماق.
تۇركىستان وبلىسى
