«قازاقستان رەسپۋبليكاسىندا بەيبiت جينالىستار, ميتينگiلەر, شەرۋلەر, پيكەتتەر جانە دەمونستراتسيالار ۇيىمداستىرۋ مەن وتكiزۋ ءتارتiبi تۋرالى» زاڭ 1995 جىلى, ياعني جاڭا كونستيتۋتسيا بەكىتىلگەنگە دەيىن قابىلدانعان. سوندىقتان وزگەرتۋلەر مەن تۇزەتۋلەردى قاجەت ەتەتىنى بەلگىلى. ياعني, جاڭا زاڭ قابىلداۋ – ۋاقىت تالابى.
ەندى زاڭ جوباسىنىڭ وزىنە توقتالار بولساق, بىرنەشە جايتتى ەسكەرۋ كەرەك. الدىمەن, مۇنىڭ جاڭالىق ەكەنىن ايتپاسقا بولماس. بۇل – جاڭا قۇجات قوعام تالاپتارىنا, وزگەرىستەرگە نەگىزدەلىپ جازىلعان. ەكىنشىسى – ساباقتاستىق. جاڭادان جازىلعان زاڭ بولسا دا بارلىعى باقىلاۋدا, ۇيلەسىمدىلىك بار. حالىقارالىق تاجىريبەگە سۇيەنە جازىلعان جاڭا زاڭدا حالقىمىزدىڭ ەرەكشەلىكتەرى, مادەنيەتىمىز, ازاماتتىق, قۇقىقتىق مادەنيەتىمىز دە ۇيلەسىم تاپقان. بۇل تۇرعىدا جاڭا زاڭ جوباسىن حالىقارالىق تاجىريبە مەن ۇلت ەرەكشەلىگىنىڭ سينتەزى دەي الامىز.
سونىمەن قاتار قاتىسۋشىلاردىڭ سانىن ناقتىلاعان ءجون. ويتكەنى 250 ادامنىڭ ايماققا قاتىستى كوپ نە از بولۋى مۇمكىن. ادام سانىنا كەلگەندە مەگاپوليستەر مەن اۋىل-ايماقتاعى شەكتەۋلەردى ەسكەرۋىمىز قاجەت.
سەرگەي موگۋنوۆ,
مەملەكەتتىك باسقارۋ اكادەمياسىنىڭ اعا وقىتۋشىسى, ساياساتتانۋشى
