قازاقستان • 21 اقپان، 2020

ەلجان ءبىرتانوۆ قىتاي ەلشىسىمەن كەزدەستى

122 رەتكورسەتىلدى

دەنساۋلىق ساقتاۋ ءمينيسترى ەلجان ءبىرتانوۆ قىتاي حالىق رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى چجان سياومەن كەزدەستى. بۇل تۋرالى دەنساۋلىق ساقتاۋ مينيسترلىگىنىڭ ءباسپاسوز قىزمەتى حابارلادى.

 

كەزدەسۋ بارىسىندا تاراپتار كوروناۆيرۋس بويىنشا قازىرگى ەپيدەميولوگيالىق جاعدايدى جانە ۆيرۋستىڭ تارالۋىنا قارسى جۇرگىزىلىپ جاتقان شارالارعا قاتىستى بىرقاتار ماسەلەنى تالقىلادى. ەلشى چجان سياو قازاقستانداعى ۆيرۋستىڭ الدىن الۋ جۇمىستارىن جوعارى باعالادى.

- جاڭا كوروناۆيرۋس قانشا قاۋىپتى  بولسا دا،ء بىز ونى ەمدەي الامىز. جەڭىستىڭ اۋىلى الىس ەمەس ەكەنىنە سەنىمدىمىن.  بىز جاۋاپكەرشىلىكتى،ء بىرىنشى كەزەكتە، كورشى ەلدەر الدىنداعى  جاۋاپكەرشىلىكتى جاقسى تۇسىنەمىز. قازاقستان - قىتايدىڭ باستى ساۋدا-ەكونوميكالىق سەرىكتەستەرىنىڭ بىرى. جانە قازاقستان ۇكىمەتى كوروناۆيرۋسقا قارسى كۇرەس بويىنشا ۋاقىتىلى جانە دەر كەزىندە  وتە دۇرىس شارالار  قابىلدادى، – دەدى ديپلومات.

ەلىمىزدىڭ دەنساۋلىق ساقتاۋ ءمينيسترى ەلجان ءبىرتانوۆ تا قىتاي حالقىنا قولداۋ ءبىلدىردى.

- قىتاي حالقىنىڭ اتالعان ۆيرۋسپەن كۇرەس جولىنداعى  ەرلىگىن جوعارى باعالايمىز. اسىرەسە، قىتايدىڭ مەديتسينالىق قىزمەتكەرلەرىنىڭ باتىلدىعى مەن ءوز جۇمىسىنا  جان-تانىمەن بەرىلگەندىگىن  ەرەكشە اتاپ وتكىم كەلەدى، ولار  مىڭداعان ادامداردى قۇتقارۋدا. ءسىز ارقىلى  قىتايلىق ارىپتەستەرىمە العىس ايتقىم كەلەدى. ءبىز بارشا  دارىگەرلەرگە، ارينە، دوستاس قىتاي حالقىنا تالماس  شىدامدىلىق پەن ەلدەگى ەپيدەميولوگيالىق جاعدايدىڭ ەرتەرەك  جاقسارۋىن تىلەيمىز، - دەپ تۇيىندەدى ءوز ءسوزىن ۆەدومستۆو باسشىسى.

تاراپتار كوروناۆيرۋسقا قارسى كۇرەستى  جانە ونىڭ  قازاقستاندا تارالۋىنا  جول بەرمەۋ  جونىندەگى بىرلەسكەن جۇمىستى جالعاستىرۋعا كەلىستى.  

 

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار