قازاقستان • 21 اقپان، 2020

قاشقان سارباز ۇستالدى

686 رەتكورسەتىلدى

كەشە تۇركىستان وبلىسى بادام ەلدى مەكەنىندەگى 10216 اسكەري بولىمدە اسكەري بورىشىن وتەپ جۇرگەن سارباز قويمادان قارۋ-جاراق ۇرلاپ، بەلگىسىز جاققا قاشىپ كەتكەنى تۋرالى اقپارات تاراعان ەدى. قورعانىس مينيسترلىگى اقپاراتتى راستادى.

اس­كەري ءبولىمنىڭ كىشى سەر­جانتى، كەزەكشىنىڭ كومەكشىسى ا.بالعىنبايدىڭ قاشىپ كەتكەنى تاڭەرتەڭگى ساعات 7-دە بەلگىلى بولعان. ءتۇس قايتا قورعانىس مي­نيستر­لىگى وسىعان قاتىس­تى رەس­مي اقپارات تاراتتى. وندا كىشى سەرجانت ا.بالعىن­بايدىڭ كەزەكشىلىك اۋىسىمى كەزىندە ءوز بەتىنشە اسكەري ءبولىمدى تاستاپ كەتكەنى، وسىدان كەيىن بولىمدە قارۋ-جاراقتىڭ جەتىسپەيتىندىگى بەلگىلى بولعانى كورسەتىلگەن. اقپاراتتا، سونداي-اق كۇشتىك قۇرى­لىمدار مەن اسكەري پولي­تسيانىڭ قاجەتتى شۇعىل-ىزدەستىرۋ جانە قاۋىپسىزدىك شارالارىن جۇرگىزىپ جاتقانى جازىلعان ەدى.

ىشكى ىستەر مينيسترلىگى مەن ۇقك قىزمەتكەرلەرىنىڭ ارنايى جەدەل توبى قاشقىن ساربازدى كوپ ۇزاتپاي ۇستادى. قازىرگى ۋاقىتتا ءتيىستى تەرگەۋ امالدارى ءجۇرىپ جاتىر. 

 

تۇركىستان وبلىسى

 

سوڭعى جاڭالىقتار

ۇقساس جاڭالىقتار