تاحاۋي احتانوۆ اتىنداعى وبلىستىق دراما تەاترىندا وتكەن «قازحروم» ترانسۇلتتىق كومپانياسى» اكتسيونەرلىك قوعامىنىڭ فيليالى — اقتوبە فەرروقورىتپا زاۋىتىنىڭ 70 جىلدىق مەرەكەسىنە ارنالعان سالتاناتتى جيىنعا وبلىس اكىمى ارحيمەد مۇحامبەتوۆ جانە وبلىستىق كاسىپوداقتارى كەڭەسىنىڭ توراعاسى تۇرىكپەنباي ايجارىقوۆ باستاعان بىرقاتار مەملەكەتتىك مەكەمە باسشىلارى, «نۇر وتان» حدپ وبلىستىق فيليالىنىڭ وكىلدەرى, وبلىستىق جانە قالالىق ءماسليحات دەپۋتاتتارى, زاۋىت ارداگەرلەرى مەن جۇمىسشىلارى قاتىستى.
تاحاۋي احتانوۆ اتىنداعى وبلىستىق دراما تەاترىندا وتكەن «قازحروم» ترانسۇلتتىق كومپانياسى» اكتسيونەرلىك قوعامىنىڭ فيليالى — اقتوبە فەرروقورىتپا زاۋىتىنىڭ 70 جىلدىق مەرەكەسىنە ارنالعان سالتاناتتى جيىنعا وبلىس اكىمى ارحيمەد مۇحامبەتوۆ جانە وبلىستىق كاسىپوداقتارى كەڭەسىنىڭ توراعاسى تۇرىكپەنباي ايجارىقوۆ باستاعان بىرقاتار مەملەكەتتىك مەكەمە باسشىلارى, «نۇر وتان» حدپ وبلىستىق فيليالىنىڭ وكىلدەرى, وبلىستىق جانە قالالىق ءماسليحات دەپۋتاتتارى, زاۋىت ارداگەرلەرى مەن جۇمىسشىلارى قاتىستى.
مەرەكەلىك سالتانات شىمىلدىعى زاۋىت تاريحى مەن ونىڭ وركەندەۋ جىلدارى, كاسىپورىنداعى جۇمىستاردىڭ قازىرگى تەحنولوگياسى جايىندا تۇسىرىلگەن بەينەفيلم كورسەتۋمەن اشىلدى. قازاقستان قارا مەتاللۋرگياسىنىڭ قارىلعاشى بولىپ تابىلاتىن زاۋىت ءوز جۇمىسىن ۇلى وتان سوعىسى قىزىپ تۇرعان 1943 جىلدىڭ قاڭتارىندا ءبىرىنشى «كومسومول» پەشىن ىسكە قوسۋمەن باستاعان بولاتىن. ءىس-شارا بارىسىندا مايدانعا اسا قاجەت بولعان مەتالدىڭ قالاي الىنعانى, سول كۇندەرى جۇمىسشىلاردىڭ «ءبارى دە جەڭىس ءۇشىن!» اتتى ۇرانمەن تاۋلىك بويى ءۇزىلىسسىز جاساعان جۇمىستارى تۋرالى تەاترلاندىرىلعان قويىلىم كورسەتىلدى.
كاسىپورىننىڭ 70 جىلدىق مەرەيتويىندا ءسوز العان وبلىس اكىمى ارحيمەد مۇحامبەتوۆ زاۋىت ۇجىمىن, ارداگەرلەردى مەرەكەمەن قۇتتىقتاپ, بولاشاقتا مول تابىس تىلەدى. ول ەلباسى نۇرسۇلتان نازارباەۆتىڭ كەمەڭگەر ساياساتىنىڭ ارقاسىندا قازاقستاننىڭ ەكونوميكالىق الەۋەتى جىل سايىن ارتا ءتۇسىپ وتىرعانىن تىلگە تيەك ەتە كەلىپ, ەلىمىزدە جىل سايىن جاڭا باعدارلامالار قابىلدانىپ, جۇزەگە اسىرىلىپ جاتقانىنا توقتالدى. وبلىستا ۇدەمەلى يندۋستريالىق-يننوۆاتسيالىق مەملەكەتتىك دامۋ باعدارلاماسىنىڭ ورىندالۋىنا زاۋىتتىڭ قوسىپ وتىرعان ۇلەسى زور ەكەنىن اتاپ ءوتتى.
مەرەيتويلىق جيىندا «قازحروم» ترانسۇلتتىق كومپانياسى» اق پرەزيدەنتى ۆيكتور تيل جوعارى كاسىبي بىلىكتىلىك پەن ۇزدىك ەڭبەكتىڭ جەمىسى, كاسىپورىننىڭ دامۋىنا قوسقان ۇلەسى رەتىندەگى بۇگىنگى تابىستار ءۇشىن زاۋىت ارداگەرلەرى مەن ۇجىمعا ىستىق ىقىلاستى ءسوزىن ارناپ, العىس سەزىمىن ءبىلدىردى.
مەرەكەلىك ءىس-شارا اياسىندا ءبىر توپ ءوندىرىس وزاتتارى «قازحرومنىڭ» ەڭبەگى سىڭگەن جۇمىسكەرى», «قازحرومنىڭ» قۇرمەتتى جۇمىسكەرى» التىن جانە كۇمىس توسبەلگىلەرىمەن ماراپاتتالسا, بەس مامانعا جەڭىل اۆتوكولىك سىيلاندى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.
