سالتاناتتى راسىمگە ءسىم ەرەكشە تاپسىرمالار جونىندەگى ەلشىسى ءراپىل جوشىباەۆ, قازاقستاننىڭ تاجىكستانداعى ەلشىسى اسقار تاجىباەۆ, تر ادىلەت ءمينيسترىنىڭ ورىنباسارى مانسۋردجون ۋماروۆ, بۇۇ-نىڭ ورتالىق ازياداعى ەسىرتكى جانە قىلمىس جونىندەگى باسقارماسىنىڭ وڭىرلىك وكىلى اشيتا ميتتال, سونداي-اق پامجز جانە بۇۇ-نىڭ ەلدىك كەڭسەلەرىنىڭ وكىلدەرى قاتىستى.
ءىس-شارا اياسىندا تۇزەۋ مەكەمەلەرىنە ارنالعان كۇزەت جابدىقتارىنىڭ 2 جيىنتىعىن قابىلداۋ-تاپسىرۋ تۋرالى اكتىگە قول قويىلدى. بۇل جوبا قازاقستاننىڭ دامۋعا رەسمي كومەك ۇلتتىق جۇيەسىنىڭ (درك) جوباسىن ىسكە اسىرۋىنىڭ ناتيجەسىندە مۇمكىن بولدى.
ءسىم ەرەكشە تاپسىرمالار جونىندەگى ەلشىسى ر.جوشىباەۆ ءوز سوزىندە درك ۇلتتىق جۇيەسىن قۇرۋ بويىنشا جۇرگىزىلىپ جاتقان جۇمىستار, وسى سالاداعى ۇلتتىق وپەراتورى, «KazAID» اگەنتتىگىن قۇرۋ جونىندەگى جوسپارلار تۋرالى تانىستىردى. سونداي-اق, قازاقستاندىق ديپلومات ورتالىق ازيا ەلدەرى مەن اۋعانستانداعى درك شەڭبەرىندەگى بىرقاتار جوبالاردىڭ ىسكە اسىرىلۋى تۋرالى حاباردار ەتىپ, قازاقستاندىق تاراپتىڭ وسى باعىت شەڭبەرىندە ودان ءارى بىرلەسكەن جۇمىسقا دايىندىعىن اتاپ ءوتتى.
ءوز كەزەگىندە, تر ادىلەت ءمينيسترىنىڭ ورىنباسارى م.وماروۆ قازاقستان تاراپىنا كومەك كورسەتكەنى ءۇشىن العىسىن بىلدىرە وتىرىپ, قازاقستاننىڭ وسى ماڭىزدى باعىتتاعى قىزمەتى تاجىكستاندا دا, جالپى وڭىردە دە تۇراقتىلىق پەن قاۋىپسىزدىكتى نىعايتۋعا مۇمكىندىك بەرەتىنىنە سەنىم ءبىلدىردى.
قازاقستاننىڭ درك سالاسىندا ايتارلىقتاي تاجىريبەسى بار. ءبىزدىڭ ەلىمىز اۋعانستانعا, قىرعىزستانعا, تاجىكستانعا ءبىلىم بەرۋ گرانتتارى مەن وقۋ ورىندارىن سالۋ تۇرىندە گۋمانيتارلىق كومەك كورسەتتى.
جوبانى جۇزەگە اسىرۋ ورتالىق ازيا وڭىرىندەگى قاۋىپسىزدىكتى قامتاماسىز ەتۋ جانە قازاقستان مەن تاجىكستان اراسىنداعى ەكىجاقتى قارىم-قاتىناستاردى دامىتۋ جونىندەگى بىرلەسكەن كۇش-جىگەر اياسىندا ماڭىزدى بولىپ تابىلادى.
