قوعام • 20 اقپان، 2020

نۇر-سۇلتان قالاسىنىڭ كوپبالالى انالارى ااك تۋرالى ويلارىمەن ءبولىستى

51 رەتكورسەتىلدى

بيىلعى قاڭتاردان باستاپ اتاۋلى الەۋمەتتىك كومەك جاڭا فورماتتا تاعايىندالىپ، وعان نۇر-سۇلتان قالاسىنداعى 2 مىڭنان استام وتباسى ءوتىنىش وتكىزگەن. بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى. 

جاڭا فورماتتاعى ااك مولشەرى وتباسىنىڭ بارلىق مۇشەلەرى ءۇشىن جان باسىنا شاققانداعى كىرىستەر مەن كەدەيلىك شەگىنىڭ اراسىنداعى ايىرماشىلىق رەتىندە انىقتالادى. جاڭا فورماتتاعى اتاۋلى الەۋمەتتىك كومەكتى الۋشىلاردىڭ ءبىرى – جەتى بالانىڭ اناسى، «التىن القا» يەگەرى ايگۇل قويلىباەۆا. ءوز سوزىندە كوپبالالى انا ااك ارقىلى بالالارىنىڭ تەگىن وقيتىندىعىن اتاپ ءوتتى.

«وسىدان 8 جىل بۇرىن كۇيەۋىمنىڭ جۇمىسى بويىنشا ەلورداعا شاردارادان قونىس اۋداردىق. جۇبايىم تەحنيكالىق قىزمەت كورسەتۋ ستانتسياسى جۇمىس جاسايتىن، مەن بالا كۇتىمى بويىنشا ۇيدە وتىردىم. بىراق، وكىنىشكە قاراي 2016 جىلى اجىراسىپ كەتتىك. از قامتىلعان وتباسى رەتىندە سول جىلدان باستاپ اتاۋلى الەۋمەتتىك كومەككە ءىلىندىم. مىنەكەي، بۇگىن جاڭا فورماتتاعى ااك-ءتى الىپ قۋانىپ وتىرمىز، جەتى بالاعا 138 851 تەڭگە شىقتى. ااك ارقاسىندا 2 بالام كوللەدجدە تەگىن وقيدى، شاكىرتاقى، جول ءجۇرۋ بيلەتتەرىمەن قامتىلعان. مەكتەپتەن دە كوپ كومەك الدىم. بالالارىما ىستىق تاماق، مەكتەپ فورماسى مەن وقۋ قۇرالدارى تەگىن بەرىلەدى»، - دەپ ءبولىستى ايگۇل قويلىباەۆا. سونداي-اق كوپبالالى انا تىگىن كۋرسىنا جازىلىپ، ءوز بيزنەسىن اشۋعا نيەتتى ەكەنىن ءبىلدىردى. «قازىرگى كەزدە تىگىن كۋرسىنا وقۋعا تىركەلدىم. التاي كولگىنوۆ مىرزانىڭ ارقاسىندا تۇرسىنزادا حانىمنىڭ شەبەرلىك ساباعىن وقىپ، بۇگىندە تىگىن ماشيناسىمەن جاستىق، قۇراعىمدى تىگەمىن. ەندى تەك ءوندىرىس جاعى قيىنعا ءتۇسىپ تۇر. ەندىگى ماقساتىم -  وتباسىلىق بيزنەستى اشۋ. ۇلكەن ۇلىم ارمانى بويىنشا پيتستساحانا اشىپ بەرگىم كەلەدى. بيزنەس جوسپارىن گرانت الۋعا تاپسىردىق، جاۋابىن توسىپ وتىرمىز»، - دەدى ول.

بەس بالانىڭ اناسى ۇلداناي ايتقۇلوۆا دا بۇگىن الەۋمەتتىك كومەكتى العانىنا ءدان ريزا. ەلورداعا 2008 جىلى قونىس اۋدارعان وتباسى بولاشاقتا شاشتاراز اشۋدى جوسپارلاپ وتىر: «ەلورداعا العاش كەلگەنىمىزدە پاتەر جالداۋدان قيىندىق كوردىك. قازىر بۇل ماسەلە بويىنشا تۋىستارىمىز كومەك كورسەتىپ ءجۇر. جاڭا فورماتتاعى ااك الۋعا قۇجات تاپسىرىپ كۇتتىم، كەشە كومەكتى الۋشىلار تىزىمىنە ىلىنگەنىمدى ءبىلدىم. بالالاردىڭ نەسىبەسى شىعار دەپ قۋانىپ وتىرمىن. بولاشاقتا جولداسىممەن بىرگە سالون اشىپ، كاسىپ دوڭگەلەتسەك دەپ وتىرمىز. بالا كۇتىمى بويىنشا ازىرگە جۇمىس جاسامايمىن، بىراق شاشتاراز مامانى كۋرستارىن قاراپ ءجۇرمىن»، - دەيدى ەلوردالىق انا. بولجامدىق مالىمەتتەرگە سايكەس، وسى جىلى 4 مىڭنان استام وتباسىنى ااك-پەن قامتىلادى. سونداي-اق اتاۋلى الەۋمەتتىك كومەكپەن قاتار، وسى جىلدىڭ 1 قاڭتارىنان باستاپ كوپبالالى وتباسىلارعا ولاردىڭ تابىستارىنا قاراماستان، مەملەكەتتىك بالالار جاردەماقىسى ەنگىزىلدى.

سوڭعى جاڭالىقتار

الماتىدا تاعى 37 ادام Covid-199 جۇقتىرعان

كوروناۆيرۋس • بۇگىن، 10:20

الاشتىڭ ارداقتىسى ۇلىقتالدى

رۋحانيات • بۇگىن، 10:02

تاپا-تالتۇستەگى توتەنشە جاعداي

ايماقتار • بۇگىن، 08:55

ەرتىستىڭ سۋى ەگىستىككە پايدالى

ايماقتار • بۇگىن، 08:40

ۇقساس جاڭالىقتار