قىزىلوردا قالاسىندا ۇستىمىزدەگى جىلعى 12 تامىز كۇنى تاڭەرتەڭ وبلىستىق وكپە اۋرۋلارى اۋرۋحاناسى جانىنداعى №15-باعىتتىڭ سوڭعى ايالداماسىندا جۇرگىزۋشىلەر زاڭسىز ەرەۋىلگە شىقتى. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتى حابارلادى.
وقيعا بولعان جەرگە بارعان جەدەل-تەرگەۋ توبى ولاردىڭ ورتالىق الاڭعا كەتكەندەرىن انىقتادى.تەكسەرۋ بارىسىندا قوعامدىق كولىك جۇرگىزۋشىلەرى جول پوليتسيا باسقارماسى قىزمەتكەرلەرىنىڭ جۇمىسىنا قنارازى ەكەنى انىقتالدى. سوڭعى كەزدە قوعامدىق كولىكتەردىڭ اراسىندا جول اپاتتارىنىڭ جيىلەۋىنە بايلانىستى جپب ارنايى رەيدتەر جۇرگىزگەن بولاتىن. كولىك باقىلاۋ قىزمەتىنىڭ بريگاديرى اسىلبەك ابدراحمانوۆ كەلىپ, جينالعان جۇرگىزۋشىلەرگە ءىس-ارەكەتتەرى زاڭسىز ەكەندىگىن ءتۇسىندىردى. وسى ماسەلەنى شەشۋ ماقساتىندا قالا اكىمىنىڭ توراعالىعىمەن جينالىس وتەتىندىگى ايتىلىپ, جينالعان جۇرگىزۋشىلەر تاراتىلدى.
وقيعا بارىسىندا زاڭ بۇزۋشىلىقتارعا جول بەرىلگەن جوق .
سۇلتان بوزايعىر.
