قازاقستان • 19 اقپان، 2020

الماتى وبلىسىندا وندىرىلگەن جالپى ءونىم قۇنى 3 تريلليون تەڭگەنى قۇرادى

114 رەتكورسەتىلدى

وتكەن جىلى الماتى وبلىسىنداعى جالپى وڭىرلىك ءونىم كولەمى بۇرىنعىعا قاراعاندا 4،5 پايىزعا ءوسىپ، قارجىلاي ءتۇسىم 3 تريلليون تەڭگەگە جەتكەن. بۇل تۋرالى وبلىس اكىمى اماندىق باتالوۆ تالدىقورعان قالاسىندا ءوتىپ جاتقان ەسەپ بەرۋ جيىنىندا باياندادى.

جالپى، 2019 جىلى ايماق بويىنشا مەملەكەتتىك بيۋدجەتكە 509 ميلليارد تەڭگە جينالعان. مۇنداعى وزىندىك كىرىس سوماسىنىڭ ۇلەسى 226 ميلليارد تەڭگە شاماسىندا بولىپ وتىر. ءوڭىر ەكونوميكاسىنىڭ تابىستى بولۋى شاعىن جانە ورتا بيزنەستىڭ دامۋىمەن تىكەلەي بايلانىستى ەكەن. وتكەن جىلى بۇل سالاداعى نىساندار سانى 122 مىڭعا جەتىپ، جينالعان سالىق ءتۇسىمى 113 ميلليارد تەڭگەنى قۇراپتى. ال شاعىن جانە ورتا بيزنەستىڭ وڭىرلىك ءونىم وندىرۋدەگى ۇلەسى 32 پايىزعا جەتكەن. كاسىپكەرلەردى ىنتالاندىرۋ مەن مەملەكەتتىك قولداۋ دا ءوز دەڭگەيىندە ەكەن. بىلتىر شاعىن جانە ورتا بيزنەستى قولداۋعا قازىنادان 11،8 ميلليارد تەڭگە جۇمسالىپتى. ناتيجەسىندە وبلىس بويىنشا 48 مىڭنان استام جاڭا جۇمىس ورىنى اشىلعان. ءبىر جىل ىشىندە وتىز ءبىر مىڭ ادام تۇراقتى جۇمىسپەن قامتىلىپتى.

سونداي-اق وتكەن دەمالىس ماۋسىمى جەتىسۋ ولكەسى ءۇشىن تابىستى ءوتتى. وڭىرگە 2،3 ميلليون تۋريست كەلگەن. بۇل ارعى جىلعى دەمالۋشىلار سانىمەن سالىستىرعاندا 19 پايىزعا كوبەيىپ وتىر. تەك قانا تۋريزمنەن تۇسكەن تازا 16 ميلليارد تەڭگەگە جەتىپ، 2018 جىلعا قاراعاندا 1،2 ەسەگە ءوسىپتى.

ايتپاقشى، وبلىستىڭ بيىلعى بيۋدجەتىندە الەۋمەتتىك سالانىڭ ماسەلەسىن شەشۋگە باسىمدىق بەرىلىپ وتىر ەكەن. جالپى، 2020 جىلى يگەرىلەتىن بيۋدجەت قارجىسىنىڭ كولەمى 586 ميلليارد تەڭگە شاماسىندا بولماقشى. ونىڭ ىشىندە 252 ميلليارد تەڭگە قاراجات وبلىستىڭ ىشكى تابىس كوزدەرىنەن قۇرالماق.

-بيىل وبلىس بيۋدجەتىنەن بولىنەتىن قارجىنىڭ 75 پايىزى تۇرعىنداردىڭ ءال-اۋقاتىن ارتتىرۋ مەن تىرشىلىك ەتۋگە قولايلى ورتا قالىپتاستىرۋعا باعىتتالادى. ماسەلەن، ءبىلىم سالاسىنا 59 ميلليارد تەڭگە جۇمسالماق. ايماقتاعى جولداردى جوندەۋگە 40 ميلليارد تەڭگە، تۇرعىن ءۇي قۇرىلىسىن جۇرگىزۋگە 32،6 ميلليارد تەڭگە، اۋىز سۋمەن قامتۋعا 10،5 ميلليارد تەڭگە جانە تابيعي گازبەن قامتۋ ىسىنە 3،2 ميلليارد تەڭگە قارجى قاراستىرىلعان، دەدى وبلىس اكىمى اماندىق باتالوۆ.

سوڭعى جاڭالىقتار

پاۆلوداردا ەكوبازار اشىلدى

ايماقتار • بۇگىن، 17:09

جۇزدەگەن تۇرعىنعا جۇمىس تابىلدى

ايماقتار • بۇگىن، 12:44

ۇقساس جاڭالىقتار