قارجى • 19 اقپان، 2020

«جاسىل» جوبالارعا جول اشىق

33 رەتكورسەتىلدى

بۇۇ دامۋ باعدارلاماسى ەلىمىزدىڭ يندۋستريا جانە ينفراقۇرى­لىمدىق دامۋ مينيسترلىگىمەن جانە «دامۋ» كاسىپكەرلىكتى دامىتۋ قورى اق-مەن بىرلەسىپ، جاسىل تەحنولوگيالاردى ىسكە اسىراتىن كومپانيالارعا قارجىلىق قولداۋ كورسەتۋدە.

بۇل قازاقستاننىڭ شاعىن جانە ورتا بيزنەسىنە ارنالعان جانە جاسىل جوبالاردى دامىتۋعا ساراپشىلىق كومەكتى، بانكتىك قارجىلاندىرۋدى 10 پايىز مولشەرىندە سۋبسيديالاۋدى، ينۆەستيتسيالىق شىعىستاردىڭ 40 پايىزعا دەيىن وتەلۋىن جانە «دامۋ» قورىنان نەسيەگە كەپىلدىك بەرۋدى قامتيدى.

«بانكتىك قارىزدىڭ ورتاشا مولشەرلەمەسى 15% بولعان كەزدە بۇۇ دامۋ باعدارلاماسىنان قار­جىلىق قولداۋ الۋشىعا ارنالعان مولشەرلەمە 5%-دى قۇرايدى، بۇل ەىدۇ ەلدەرىندەگى جوبالاردىڭ مول­شەرلەمەسىمەن بىردەي. وسى­لايشا، وتەۋ مەرزىمدەرىنىڭ قىسقار­تىلۋى ارقىلى تومەن كومىرتەكتى باستامالار كاسىپكەرلەر ءۇشىن تارتىمدى بولا تۇسۋدە»، دەدى «دامۋ» قورىنىڭ قارىز الۋ دەپارتامەنتىنىڭ ديرەكتورى مەيرامبەك قالىمباەۆ.

قازىرگى تاڭدا باستاما اياسىندا 100 جوبا قولداۋعا يە بولدى، ونىڭ 36-سى ىسكە اسىرىلدى. وعان تۇرعىن ۇيلەر مەن قوعام­دىق عي­ماراتتار­دىڭ، تۋريستىك وبەك­تى­لەردىڭ ەنەرگيا­­­لىق تيىم­دىلى­گىن ارتتىرۋ، زاماناۋي جا­رىق­­ديود­تى جارىقتاندىرۋدى ەنگىزۋ، قا­زاندىقتار مەن سورعى قون­­دىرعى­لارىن مودەرنيزاتسيالاۋ، سونىمەن قاتار ەنەرگيامەن جاب­دىق­تاۋ جۇيەلەرىن جاڭعىرمالى ەنەر­گيا كوزدەرىنە كوشىرۋ جوبالارى كىرەدى.

«جۇزەگە اسىرىلعان جوبالار­دىڭ ناتي­جەلەرى كورسەتكەندەي، 1 تەڭگە قارجىلىق قولداۋ 6 تەڭگە مولشەرىندە ينۆەستيتسيا تارتادى جانە كوممۋنالدىق شىعىنداردى 30-40 پايىزعا دەيىن ۇنەمدەيدى. وسىلايشا، جاسىل تەحنولوگيالار بيزنەسكە ءتيىمدى بولۋمەن قاتار، پارنيك­تىك گازداردىڭ شىعارىلۋىن ازاي­تادى جانە قورشاعان ورتانىڭ جاق­سارۋىنا سەپتىگىن تيگىزەدى. ءبىزدىڭ ماقساتىمىز – وسى جەتىستىكتى بۇكىل ەلگە تاراتۋ»، دەدى بۇۇ دامۋ باع­دار­لاماسى قازاقستانداعى تۇراقتى دامۋ ءبولىمىنىڭ باستىعى ارمان كاشكىنبەكوۆ.

قازاقستاندا ەلدى مەكەندەردەگى كوممۋنالدىق ينفراقۇرىلىمنىڭ توزۋى 65 پايىزدى قۇرايدى، سونىڭ سالدارىنان ەنەرگيانىڭ 16 پايىزى، جىلۋدىڭ 20 پايىزى جانە سۋدىڭ 60 پايىزى شىعىن بولۋدا. بۇل پارنيكتىك گازداردىڭ شىعارىلۋىن ارتتىرادى جانە قورشاعان ورتانىڭ لاستانۋىن ۇلعايتادى. كومىرتەكتىڭ اسەرىن ازايتۋ ءۇشىن عيماراتتاردىڭ ەنەرگيا تيىمدىلىگىن ارتتىرۋ، زاماناۋي جارىقديودتى جارىقتان­دىرۋ­دى ەنگىزۋ، قازاندىق جانە سورعى قوندىرعىلارىن مودەرنيزاتسيالاۋ، سونداي-اق ەنەرگيا جۇيەلەرىن جاڭعىرمالى ەنەرگيا كوزدەرىنە كوشىرۋ سياقتى شارالار قاجەت. مۇنداي شارالار پارنيكتىك گازدىڭ شىعارىلۋىن جىلىنا 20-30 ملن تونناعا، سو2 ازايتۋعا مۇمكىندىك بەرەدى، بۇل ەلدەگى پارنيكتىك گازدار شى­عىندارىنىڭ 30%-ىن قۇرايدى.

 

 

سوڭعى جاڭالىقتار

ەلدىك نىشاندار تاريحى

قازاقستان • بۇگىن، 18:14

اتىراۋ: ءۇي قاماققا قامالعان قىز

ايماقتار • بۇگىن، 18:00

بيىل اۋىلعا تابيعي گاز جەتەدى

ايماقتار • بۇگىن، 14:29

ۇقساس جاڭالىقتار