حوككەي • 18 اقپان، 2020

قحل: «بارىستىڭ» ءۇزىلىسسىز جەڭىسى ءۇزىلدى

135 رەتكورسەتىلدى

«بارىس ارەنا» مۇز ايدىنىندا جەرگىلىكتى «بارىس» رەسەيلىك «سيبير» حوككەي كلۋبىن قابىلدادى. اندرەي سكابەلكا باپتايتىن حوككەيشىلەردىڭ العاشقى بەستىگى ويىندى بەلسەندى باستاعانىمەن، ءۇشىنشى كەزەڭگە دەيىن ەسەپ اشىلمادى.

تەك ءۇشىنشى كەزەڭنىڭ بەل ورتاسىندا جەرلەستەرىمىزدىڭ قورعانىستاعى قاتەلىگىن پايدالانىپ كەتكەن «سيبير» حوككەي كلۋبىنىڭ ويىنشىسى شاشكوۆ ارىپتەسىنە تاماشا پاس بەرە ءبىلدى. شايبا قاقپا ماڭايىندا جۇرگەن 70-نومەردەگى ميلوۆزوروۆقا ءتيىپ، قاقپاعا ەنىپ كەتتى.

«بارىستىڭ» شابۋىلشىلارى قوناققا كەلگەن كراسيكوۆتىڭ قاقپاسىن قانشا تورۋىلداعانىمەن ساڭىلاۋ تابا المادى. «بارىستىڭ» باس باپكەرى ويىن سوڭىندا تايم-اۋت الدى. ويىن وسى ساتتەن باستاپ تۇرلەنىپ سالا بەردى. كەزدەسۋدىڭ اياقتالۋىنا نەبارى 30 سەكۋند قالعاندا «بارىستىڭ» 55-نومەردەگى ويىنشىسى اتتە وحتاماا ۇلكەن تاۋەكەل جاساپ، قاقپاعا الىستان سوققى باعىتتادى. وسى ساتتە قاقپا ماڭىندا جۇرگەن لينۋس ۆيدەلل شايباعا ءبىرىنشى جەتىپ، ەسەپتى تەڭەستىردى.

قوس كوماندا اراسىنداعى ويىننىڭ تاعدىرى قوسىمشا تايمدا شەشىلدى. ء«سيبيردىڭ» كەزەكتى ۇمتىلىسى ناتيجەلى اياقتالدى. ەكى قاقپاعا كەزەك-كەزەك كىرىپ شىققان شايبا ويىن سوڭىندا «بارىس» كومانداسىنىڭ قاقپاسىندا جاتتى. وسىلايشا «بارىستىڭ» سوڭعى التى ويىنداعى ءۇزىلىسسىز جەڭىسى ءۇزىلدى.

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار