قازاقستان • 18 اقپان، 2020

بۇۇ-نىڭ قازاقستانداعى قىزمەتى باق وكىلدەرىنە تانىستىرىلدى

18 رەتكورسەتىلدى

بۇۇ كەڭسەسىندە قازاقستاندا تىركەلگەن بۇۇ اگەنتتىكتەرىنىڭ باسشىلارىمەن جانە 30-دان استام بۇقارالىق اقپارات قۇرالدارى وكىلدەرىمەن بىرگە ءباسپاسوز-تاڭعى اسى ءوتتى. قۇرمەتتى قوناقتار رەتىندە - قر ءسىم الماتى قالاسىنداعى وكىلدىگىنىڭ باسشىسى ەرلان ىسقاقوۆ، «قازاقستان مەديا اليانسى» رقب باسقارما توراعاسى ارمانجان بايتاسوۆ، قر بۇۇ جاھاندىق كوممۋنيكاتسيا دەپارتامەنتىنىڭ باسشىسى ۆلاستيميل سامەك، قر يۋنەسكو كلاستەرلىك بيۋروسىنىڭ ديرەكتورى كريستا پيككات بولدى. بۇل تۋرالى سىرتقى ىستەر مينيسترلىگىنىڭ ءباسپاسوز قىزمەتى حابارلادى.

اتالعان ءىس-شارا بۇۇ-نىڭ قۇرىلعانىنا 75 جىل جانە قازاقستانداعى بۇۇ وكىلدىگىنى قىزمەتىنىڭ باستالۋ كۇنى - 1993 جىلعى 17 اقپانعا ورايلاستىرىلدى.

ە. ىسقاقوۆ قازاقستان كوپتەگەن حالىقارالىق ۇيىمداردىڭ، سونىڭ ىشىندە بۇۇ-نىڭ بەلسەندى مۇشەسى بولىپ تابىلاتىنىن جانە ءبىزدىڭ ەلىمىز حالىقارالىق قوعامداستىققا ۇيلەسىمدى ەنىپ، وندا لايىقتى ورىن الا العانىن اتاپ ءوتتى. 27 جىل ىشىندە بۇۇ وكىلدىگى بۇۇ جۇيەسىندەگى وڭىرلىك مانداتپەن جۇمىس ىستەپ تۇرعان 30-دان استام اگەنتتىكتەردىڭ 16-ىن قۇرايدى. قازىرگى ۋاقىتتا قازاقستان قر تۇڭعىش پرەزيدەنتى – ەلباسى ن. نازارباەۆتىڭ الماتى قالاسىندا بۇۇ-نىڭ ايماقارالىق ورتالىعىن قۇرۋ جونىندەگى باستاماسىن جۇزەگە اسىرۋ جونىندەگى جۇمىستى جالعاستىرۋدا.

ا. بايتاسوۆ ءوزىنىڭ سىرتقى ساياسي كۇن تارتىبىندە قازاقستان كومەك الۋشى ەل پوزيتسياسىنان دامۋ سالاسىنداعى وڭىرلىك سەرىكتەس پوزيتسياسىنا بىرتىندەپ اۋىسىپ كەلە جاتقانىنا نازار اۋداردى. بۇل رەتتە ستراتەگيالىق باسىمدىقتاردىڭ ءبىرى الماتىدا بۇۇ وڭىرلىك حابىن قۇرۋ بولىپ تابىلادى. بۇل قادام قازاقستانعا وڭىرلىك دامۋدى، قاۋىپسىزدىك پەن تۇراقتىلىقتى قامتاماسىز ەتۋگە قوسىمشا ۇلەس قوسۋعا مۇمكىندىك بەرەدى.

ءوز سوزىندە ۆ. سامەك بۇۇ-نىڭ 75 جىلدىعىن تويلاۋ ەكى باسىمدىققا – تسيفرلاندىرۋ مەن جاستاردى تارتۋعا ارنالعانىن حابارلادى. بەلگىلى بولعانداي، قازاقستان وڭىردەگى تسيفرلاندىرۋ بويىنشا الدىڭعى قاتارلى ەلدەردىڭ ءبىرى بولىپ تابىلادى جانە ءوڭىر ەلدەرى مەن حالىقارالىق كومپانيالاردىڭ ۋاكىلەتتى وكىلدەرىن تارتا وتىرىپ، اۋقىمدى ءىس-شارالار وتكىزەدى. اعىمداعى جىلدىڭ قاڭتار ايىنىڭ سوڭىندا وتكەن وسىنداي ءىس-شارالاردىڭ بىرىنە بۇۇ باس حاتشىسىنىڭ ورىنباسارى فابريتسيو حوحشيلد قاتىستى. جاستاردى تارتۋ تاقىرىبى دا ەل ۇكىمەتىنىڭ كۇن تارتىبىندە وزەكتى بولىپ وتىر – وتكەن جىل جاستار جىلى دەپ جاريالانسا، اعىمداعى جىل ەرىكتىلەردىڭ جىلى دەپ جاريالاندى.

قازاقستان بۇۇ اگەنتتىكتەرىنىڭ جۇمىسىنا بەلسەندى قاتىسادى جانە ەلەۋلى ۇلەس قوسىپ، ۇيىمنىڭ وڭىرلىك ۇيىمدارمەن ديالوگتىق الاڭدارىنىڭ ءوزارا ءىس-قيمىلىن دامىتۋعا جاردەمدەسەدى جانە بۇۇ-نىڭ نەگىزگى باعدارلامالىق قۇجاتتارىن جوسپارلى تۇردە ىسكە اسىرادى.

ك. پيككات ءبىلىم، عىلىم جانە تەحنيكا، الەۋمەتتىك جانە گۋمانيتارلىق عىلىمدار، مادەنيەت، كوممۋنيكاتسيا، اقپارات جانە ينفورماتيكا سياقتى ىنتىماقتاستىقتىڭ نەگىزگى سالالارى انىقتالعان قازاقستانداعى يۋنەسكو-نىڭ قىزمەتى تۋرالى ايتىپ بەردى. يۋنەسكو كەزەكتى كونفەرەنتسياسىندا ورتا عاسىرلىق شىعىستىڭ ۇلى عالىمى جانە فيلوسوفى ءابۋ ناسىر ءال-ءفارابيدىڭ 1150 جىلدىعى، شىمكەنت قالاسىنىڭ 2200 جىلدىعى جانە كورنەكتى قازاق اقىنى جانە اعارتۋشىسى اباي قۇنانباي ۇلىنىڭ 175 جىلدىعىن 2020 جىلعى يۋنەسكو ەستەلىك كۇندەر كۇنتىزبەسىنە قوسۋ تۋرالى رەزوليۋتسيا قابىلداپ، يۋنەسكو ارنالارىن پايدالانا وتىرىپ، حالىقارالىق دەڭگەيدە تانىمال ەتۋ ءۇشىن شەت تىلىندەگى باسىلىمداردا جاريالانىمدار شىعارۋ جونىندە شەشىم قابىلدادى. وسىعان وراي، يۋنەسكو-نىڭ باس حاتشىسى ودرە ازۋلە اعىمداعى جىلدىڭ قىركۇيەك ايىندا قازاقستانعا ساپارى جوسپارلانىپ وتىر.

جالپى، كەزدەسۋ قورىتىندىسى بويىنشا «سۇراق-جاۋاپ» فورماتىندا ديالوگ جانە قازاقستاندىق مەديا اليانستىڭ بۇۇ-نىڭ 75-جىلدىعىنا ارنالعان ءىس-شارالاردى ودان ءارى جاريالاۋعا دايىندىعى بولدى.

قازاقستاندىق مەديا اليانس بۇۇ-نىڭ 75 جىلدىعىنا ارنالعان قازاقستانداعى ءىس-شارالاردىڭ مودەراتورى بولىپ تابىلادى. 

بىرىككەن ۇلتتار ۇيىمى (بۇۇ) - حالىقارالىق بەيبىتشىلىك پەن قاۋىپسىزدىكتى قولداۋ جانە نىعايتۋ، سونداي-اق مەملەكەتتەر اراسىنداعى ىنتىماقتاستىقتى دامىتۋ ءۇشىن 1945 جىلعى 24 قازاندا قۇرىلعان حالىقارالىق ۇيىم. بۇگىنگى تاڭدا بۇۇ 193 مۇشە مەملەكەتتىڭ 41 000 قىزمەتكەرىن قۇرايدى جانە الەمنىڭ بارلىق وڭىرلەرىندە قىزمەت اتقارادى. بۇۇ باس حاتشىسى - انتونيۋ گۋتەرريش (لاۋازىمعا 2017 جىلدىڭ 1 قاڭتارىندا كىردى).

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار