قازاقستان • 18 اقپان، 2020

ە. ءبىرتانوۆ جاپونيا جاعالاۋىندا جابىق لاينەردىڭ بورتىندا قالعان قازاقستاندىقتار جايلى ايتتى

41 رەت كورسەتىلدى

دەنساۋلىق ساقتاۋ ءمينيسترى ەلجان ءبىرتانوۆ جاپونيا جاعالاۋىندا جابىق لاينەردىڭ بورتىندا قالعان قازاقستاندىقتاردىڭ دەنساۋلىعى جايلى اقپارات بەردى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

ء«بىز جاپونيانىڭ دەنساۋلىق ساقتاۋ مينيسترلىگىمەن بايلانىسىپ وتىرىمىز. ولاردىڭ مالىمەتىنشە، قازىرگى ساتتە ولاردىڭ سىرقاتتانعانى تۋرالى اقپارات جوق. سونىمەن قاتار ءبىزدىڭ ازاماتتارمەن دە تىكەلەي بايلانىس بار. ولاردىڭ جاعدايى جاقسى، ارالارىندا ناۋقاس جوق. قازىر ءبىز سىرتقى ىستەر مينيسترلىگىمەن ءبىزدىڭ ازاماتتاردى قازاقستانعا قايتارۋ بويىنشا ماسەلەنى پىسىقتاپ جاتىرمىز»، — دەدى مينيستر.

سونىمەن قاتار ە. ءبىرتانوۆ جۋرناليستەردىڭ مەملەكەتتىك بيۋدجەتتەن كوروناۆيرۋسپەن كۇرەسۋگە بولىنگەن قاراجاتتىڭ جۇمسالۋىنا قاتىستى سۇراقتارىنا جاۋاپ بەردى.

«1 ملرد تەڭگەگە جۋىق قاراجات سانيتارلىق قىزمەت اياسىندا مەديتسينالىق قامسىزداندىرۋعا جانە سانيتارلىق قورعاۋعا جۇمسالادى. ول – قورعانىش ماتەريالدارىن، جەكە قورعانىش قۇرالدارىن، زەرتحانالىق جانە دياگنوستيكالىق قۇرالداردى، كەيبىر جابدىقتاردى، ونىڭ ىشىندە تەپلوۆيزورلاردى ساتىپ الۋ جانە ازاماتتاردى ەۆاكۋاتسيالاۋ. قارجىنىڭ ءبىر بولىگى وڭىرلەرگە كومەك رەتىندە، ياعني، جەرگىلىكتى دەنساۋلىق ساقتاۋ باسقارمالارىنىڭ قوسىمشا وتىنىمدەرى بويىنشا مەديتسينا قىزمەتكەرلەرىن قورعاۋعا، جەرگىلىكتى اۋرۋحانالاردى جانە ەمحانالاردى جەكە قورعانىش قۇرالدارىمەن قامتاماسىز ەتۋگە ءبولىندى. تاعى ءبىر بولىگى باسقا مەملەكەتتىك ورگانداردى قورعاۋدى قامتاماسىز ەتۋگە باعىتتالدى»، — دەپ ءتۇسىندىردى دەنساۋلىق ساقتاۋ ءمينيسترى. 

ءوز كەزەگىندە، سىرتقى ىستەر مينيسترلىگىنىڭ رەسمي وكىلى ا. سمادياروۆ كارانتين اياقتالعان سوڭ جاپونياداعى لاينەر بورتىندا قالعان قازاقستاندىقتار ءوز بەتتەرىنشە ۇيلەرىنە ورالا الاتىنىن ايتتى. 

«كەمەدە كارانتين رەجيمى جاريالانعاندىقتان، ارينە، قوزعالىس شەكتەلگەن. ولار وزدەرىنىڭ كايۋتالارىندا جاتىر، بارلىق قاجەتتى مەديتسينا قۇرالدارىمەن، سونداي-اق تولىققاندى تاماقپەن قامتاماسىز ەتىلگەن. ءبىز ولارمەن ۇنەمى بايلانىسىپ وتىرمىز. كارانتين اياقتالعان سوڭ، ادامدار قۇرلىققا تۇسىرىلگەن سوڭ تاعى ءبىر تەكسەرۋدەن وتكىزىلەدى. جاپونيا بيلىگى ءاربىر ادامدى تەكسەرۋدى ۇيعارىپ وتىر. ەگەر ءبىزدىڭ ازاماتتاردان كوروناۆيرۋس انىقتالماسا، ولار ءوز بەتىنشە وتانىنا قايتا الادى»، —  دەدى ا. سمادياروۆ. 

سوڭعى جاڭالىقتار

الماتىدا جەر سىلكىندى

قازاقستان • بۇگىن، 16:48

ەلەنگەن ەرلىك

ايماقتار • بۇگىن، 13:22

قاراشادا كۇن سۋىتادى

اۋا رايى • بۇگىن، 11:59

ۇقساس جاڭالىقتار