قازاقستان • 18 اقپان، 2020

«Israir» اۋە كومپانياسى تاعى ءبىر رەيستى جوسپارلادى

34 رەتكورسەتىلدى

ازاماتتىق اۆياتسيا كوميتەتىنىڭ توراعاسى تالعات لاستاەۆ «Israir» اۋە كومپانياسىنىڭ پرەزيدەنتى ۋري سيركيس جانە يزرايل مەملەكەتىنىڭ ەلشىسى ليات ۆەكسەلمانمەن «قازاقستاننىڭ اۆياتسيالىق اكىمشىلىگى» اق، ۇقك،  ءىىم،  مكق وكىلدەرىنىڭ قاتىسۋىمەن قازاقستاننىڭ اۋەجايلارىندا ەنگىزىلگەن «اشىق اسپان» جۇيەسى اياسىندا يزرايل مەن قازاقستان اراسىندا تىكەلەي تۇراقتى جولاۋشىلار اۋە قاتىناسىن ورناتۋ ماسەلەسى بويىنشا كەزدەسۋ وتكىزدى. بۇل تۋرالى يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتى حابارلادى.

«Israir» اۋە كومپانياسىنىڭ پرەزيدەنتى ۋري سيركيس اۆياتسيالىق قاۋىپسىزدىك بويىنشا بارلىق قاجەتتى راسىمدەردى وتكىزۋ شارتىمەن 2020 جىلعى مامىردان باستاپ تەل-اۆيۆ – الماتى باعىتى بويىنشا ۇشۋلاردى باستاۋ جوسپارىن مالىمدەدى.

يزرايلدىك اۋە كومپانيالاردىڭ شەت ەلدەرگە ۇشۋى جوعارى قاۋىپسىزدىك شارالارىمەن بايلانىستى ەكەنىن اتاپ ءوتۋ قاجەت. وسىعان بايلانىستى، كەزدەسۋ بارىسىندا تاراپتار شەت ەلدەرگە رەيستەردى ورىنداۋ كەزىندە يزرايلدىك اۋە كومپانيالارعا قويىلاتىن يزرايل مەملەكەتىنىڭ اۆياتسيالىق قاۋىپسىزدىگى جونىندەگى تالاپتاردى تالقىلادى.

جالپى، يزرايلمەن تىكەلەي اۋە قاتىناسىن ورناتۋ قازاقستاننىڭ تۋريستىك جانە ترانزيتتىك الەۋەتىن دامىتۋعا، سونداي-اق مادەني ءوزارا ءىس-قيمىلعا، ساۋدا-ەكونوميكالىق جانە ساياسي ىنتىماقتاستىققا ىقپال ەتەتىن بولادى.

كەزدەسۋ قورىتىندىسى بويىنشا تاراپتار ەكى ەل اراسىندا تۇراقتى جولاۋشىلار رەيسىن اشۋ بويىنشا جۇمىستى جالعاستىرۋعا كەلىستى.

«Israir» اۋە كومپانياسى ء يزرايلدىڭ ەكىنشى ءىرى اۋە كومپانياسى بولىپ تابىلادى. 2019 جىلدىڭ قورىتىندىسى بويىنشا اۋە كومپانيا 1،5 ملن جولاۋشى تاسىمالدادى. اۋە كومپانيانىڭ فلوتى ا 320 جانە ATR 72 ءتيپتى 7 اۋە كەمەسىنەن تۇرادى. بەن گۋريون اتىنداعى اۋەجايدا ورنالاسقان (تەل-اۆيۆ).

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار