قازاقستان • 18 اقپان، 2020

ەڭبەك مينيسترلىگىندە سىبايلاس جەمقورلىقتىڭ الدىن الۋ ماسەلەلەرى تالقىلاندى

26 رەتكورسەتىلدى

قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگىندە ەڭبەك، الەۋمەتتىك قورعاۋ جانە كوشى-قون كوميتەتىنىڭ توراعاسى ەربول نۇرعاليەۆ ەاقجكقك-ءنىڭ اۋماقتىق دەپارتامەنتتەرىنىڭ باسشىلارىمەن، سونداي-اق سىبايلاس جەمقورلىققا قارسى ءىس-قيمىل اگەنتتىگى پاراساتتىلىق دەپارتامەنتى ديرەكتورىنىڭ ورىنباسارى عانيجان اسان ۇلىنىڭ قاتىسۋىمەن سالالىق جينالىس وتكىزدى، ونىڭ بارىسىندا سىبايلاس جەمقورلىقتىڭ الدىن الۋ جانە وعان قارسى تۇرۋ ماسەلەلەرى قارالدى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتى حابارلادى.

كەڭەس جۇمىسىن اشا وتىرىپ، نۇرعاليەۆ ەڭبەكمينىندە سىبايلاس جەمقورلىق قۇقىق بۇزۋشىلىقتاردىڭ الدىن الۋ بويىنشا تۇراقتى نەگىزدە جۇمىس جۇرگىزىلىپ جاتقانىن اتاپ ءوتتى. سىبايلاس جەمقورلىققا قارسى ءىس-قيمىل جونىندەگى ءىس-شارالار جوسپارىنىڭ ورىندالۋىنا باقىلاۋ جۇرگىزىلەدى، بيۋدجەتتىڭ دۇرىس جاسالۋىنا جانە اتقارىلۋىنا مونيتورينگ جۇرگىزۋ، كورسەتىلەتىن قىزمەتتەردىڭ ساپاسىن باقىلاۋ قامتاماسىز ەتىلەدى.

ەڭبەكمينىنىڭ ۆەب-سايتىنىڭ جۇمىس ىستەۋىنىڭ ايقىندىلىعى مەن اشىقتىعى وعان ءباسپاسوز رەليزدەرىن، نورماتيۆتىك-قۇقىقتىق اكتىلەردى، جەكە جانە زاڭدى تۇلعالاردان كەلىپ تۇسكەن وتىنىشتەرگە جاۋاپتاردى ۋاقتىلى ورنالاستىرۋ ارقىلى قامتاماسىز ەتىلدى. بۇگىنگى كۇنى مينيسترلىكتە سىبايلاس جەمقورلىققا قارسى ءىس-قيمىل جونىندەگى قىزمەت تۋرالى ارنايى ءبولىم جۇمىس ىستەيدى.

سونىمەن قاتار پرەزيدەنتتىڭ 2018 جىلعى 5 قازانداعى «قازاقستاندىقتاردىڭ ءال-اۋقاتىن ارتتىرۋ: تابىستار مەن ءومىر ساپاسىن ارتتىرۋ» جولداۋىن ىسكە اسىرۋ شەڭبەرىندە جانە سىبايلاس جەمقورلىققا قارسى ءىس-قيمىل اگەنتتىگىنىڭ ۇسىنىسى بويىنشا جالپىۇلتتىق ءىس-شارالار جوسپارىن ورىنداۋ ءۇشىن مينيسترلىكتە «ادالدىق الاڭى» جوبالىق كەڭسەسى قۇرىلدى. ونىڭ نەگىزگى مىندەتتەرى الەۋمەتتىك-ەڭبەك سالاسىنىڭ اشىقتىعى مەن ايقىندىلىعىن قامتاماسىز ەتۋ جانە سىبايلاس جەمقورلىققا قارسى مادەنيەتكە تاربيەلەۋ بولىپ تابىلادى.

ءوز سوزىندە ەاقجكقك باسشىسى اۋماقتىق دەپارتامەنتتەردىڭ ديرەكتورلارىنا وسىنداي جوبالىق كەڭسەلەر قۇرۋدى جانە سىبايلاس جەمقورلىققا قارسى شارالاردى قابىلداۋ بويىنشا جۇمىستى كۇشەيتۋدى ۇسىندى.

«دەپارتامەنت باسشىلىعى كورسەتىلەتىن مەملەكەتتىك قىزمەتتەردىڭ ساپاسىن باقىلاۋدى كۇشەيتۋ; سىبايلاس جەمقورلىق فاكتىلەرىنىڭ تۋىنداۋىن بولدىرماۋ ءۇشىن پاتسيەنتتىڭ مەديتسينالىق-الەۋمەتتىك ساراپتاما بولىمدەرىنىڭ ماماندارىمەن بايلانىسىن ازايتۋ، كۋالاندىرۋ پروتسەسىن قوسپاعاندا، مەديتسينالىق-الەۋمەتتىك ساراپتاما بولىمدەرىنىڭ قىزمەت كورسەتەتىن ەمدەۋ مەكەمەلەرىن روتاتسيالاۋ كەستەسىن بەكىتۋ قاجەت دەپ سانايمىن»، – دەدى نۇرعاليەۆ.

سونداي-اق ەاقجكقك توراعاسى ءبىرىنشى باسشىلاردىڭ باعىنىشتىلارى ءۇشىن جاۋاپكەرشىلىگىن ەسكە سالىپ، دەپارتامەنت قىزمەتكەرلەرىمەن مەملەكەتتىك قىزمەت جانە سىبايلاس جەمقورلىققا قارسى ءىس-قيمىل سالاسىنداعى زاڭنامانى ساقتاۋ ماسەلەلەرى بويىنشا تۇراقتى نەگىزدە ءتۇسىندىرۋ جۇمىستارىن جۇرگىزۋدى تاپسىردى.

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار