قوعام • 18 اقپان، 2020

«قازاق راديولارى» سەرىكتەستىگى «مىڭ العىس» قايىرىمدىلىق كەشىن وتكىزەدى

45 رەتكورسەتىلدى

العىس ايتۋ كۇنىنە وراي «Qazaqstan» كونتسەرت زالىندا «قازاقستان» رترك» اق «قازاق راديولارى» جشس ۇيىمداستىرۋىمەن «مىڭ العىس» ءداستۇرلى قايىرىمدىلىق كەشى وتەدى.

كەشكە پرەمەر-ءمينيسترىنىڭ ورىنباسارى ە.ل.توعجانوۆ، اقپارات جانە قوعامدىق دامۋ ءمينيسترى د.ءا.اباەۆ، مادەنيەت جانە سپورت ءمينيسترى ا.ر.رايىمقۇلوۆا، سەنات جانە پارلامەنت ءماجىلىسىنىڭ دەپۋتاتتارى، زيالى قاۋىم جانە باق وكىلدەرى قاتىسادى.

شارا ماقساتى – مەيىرىمدىلىكتى، قايىرىمدىلىقتى، ومىرگە دەگەن قۇشتارلىقتى ناسيحاتتاۋ، اۋىر دەرتكە شالدىققان جانداردىڭ ەمىنە قاراجى جيناۋ.

 «مىڭ العىس» قايىرىمدىلىق كونتسەرتىندە:

ميدىڭ قاتەرلى ىسىگىنە شالدىققان سامات اقبەرگەنوۆكە كومەك كورسەتىلەدى;

«حارەكەت» قايىرىمدىلىق قورى 3 وتباسىنا باسپانا كىلتىن تابىستايدى. ولاردىڭ ءبىرى قاراعاندى قالاسى، ەكەۋى اقمولا وبلىسىنان;

«اسىل ادام» قايىرىمدىلىق قورى ءوزىنىڭ باسپاناسى بولماسا دا، وزگەگە قولۇشىن سوزىپ جۇرگەن ەرىكتىنىڭ بىرىنە پاتەر كىلتىن تابىستايدى;

شەشەنستان رەسپۋبليكاسى گروزنىي قالاسىندا تۇراتىن ماريام رامازانقىزى 56 جىلدان سوڭ تۋعان اپكەسى ناتاليا مەتەلسكايامەن تابىسادى;

گەرمانيادا 1982-1984 جىلدارى اسكەري بورىشىن وتەگەن مۇحيت ماراسۋلوۆ پەن بالتاباي اقجانوۆ 36 جىلدان سوڭ كەزدەسەدى;

شاراعا «بارمىسىڭ، باۋىرىم؟!» باعدارلاماسى ارقىلى جاقىندارىن تاپقان يانينا مەلەحوۆا (ماسكەۋ) مەن ۆيكتور ۆينتەرگوللەر قاتىسادى;

«بارمىسىڭ، باۋىرىم؟!» باعدارلاماسى ەفيرگە شىققالى 800 حات-قوڭىراۋ ءتۇسىپ، 130 ادام انىقتالدى. «مىڭ العىس» راديوحابارى مەن قايىرىمدىلىق كەش اياسىندا مۇقتاج جاندارعا 85 630 000 تەڭگە كولەمىندە كومەك كورسەتىلدى.

قايىرىمدىلىق كونتسەرتىنە مايرا مۇحامەدقىزى، قۇرماش ماحان، ميراس پەن قۇرالاي، الىشەر كاريموۆ، قاراقات ءابىلدينا، ومىرقۇل اينيازوۆ، التىناي جوراباەۆا سىندى ەسترادا جۇلدىزدارى، «ۇلتتىق ۇلان» ساربازدارى، «Art Music» كۆارتەتى قاتىسادى.

وتەتىن ورنى: «قازاقستان» ورتالىق كونتسەرت زالى

كۇنى: 28 اقپان

باستالۋى: 19:00.

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار