الەم • 18 اقپان، 2020

ءۇندىستاندا ءال-ءفارابيدىڭ 1150 جىلدىعى اتاپ وتىلەدى

35 رەتكورسەتىلدى

2020 جىلعى 17 اقپاندا قازاقستاننىڭ ۇندىستانداعى ەلشىلىگىنىڭ قولداۋىمەن نيۋ-دەليدە دج. نەرۋ اتىنداعى ۋنيۆەرسيتەتتە شىعىستىڭ كورنەكتى ويشىلى ءابۋ ناسىر ءال-ءفارابيدىڭ 1150-جىلدىعىنا ارنالعان دوڭگەلەك ۇستەل ءوتتى. بۇل تۋرالى سىرتقى ىستەر مينيسترلىگىنىڭ ءباسپاسوز قىزمەتى حابارلادى.

قازاقستاننىڭ ۇندىستانداعى ەلشىسى ەرلان الىمباەۆ ءوز سوزىندە ءال-ءفارابيدىڭ مەرەيتويى يۋنەسكو-نىڭ اتاۋلى كۇندەر مەن وقيعالار كۇنتىزبەسىنە ەنگىزىلگەنىن جانە ونى دەليدە مەرەكەلەۋ ۇلى عالىمنىڭ دۇنيەجۇزىلىك مۇراسىن زەرتتەۋگە جانە زەردەلەۋگە قۋاتتى سەرپىن بەرەتىنىن اتاپ ءوتتى.

ءىس-شاراعا قاتىسقان ءال-فارابي اتىنداعى قازاق ۇلتتىق ۋنيۆەرسيتەتىنىڭ دەلەگاتسياسى قاتىسۋشىلاردى عالىمنىڭ ءومىرى مەن ەڭبەكتەرىمەن تانىستىردى.

دوڭگەلەك ۇستەلدە ءسوز سويلەگەن جەرگىلىكتى اكادەميالىق ورتا وكىلدەرى مەن ءۇندىستاننىڭ عىلىمي ورتالىقتارى مەن ينستيتۋتتارىنىڭ باسشىلارى ءابۋ ناسىر ءال-ءفارابيدىڭ مۇراسىنىڭ ماڭىزدىلىعىن اتاپ ءوتىپ، وسىنداي وقيعالاردىڭ ەكى ەلدىڭ مادەنيەتىن جاقىنداستىرۋ ءۇشىن ماڭىزدىلىعىن اتاپ ءوتتى.

بۇل ءىس-شارا ءال-ءفارابيدىڭ 1150-جىلدىعىنا ارنالعان ۇندىستانداعى مەرەكەلەردىڭ باستاۋى بولدى.

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار