قازاقستان • 18 اقپان، 2020

ە.مەرفي شەلل قازاقستان اۋماعىنداعى گەولوگيالىق بارلاۋ تيىمدىلىگى جايلى ايتتى

79 رەتكورسەتىلدى

ءوز كەزەگىندە «شەلل قازاقستان» كومپانياسىنىڭ كوممەرتسيالىق ماسەلەلەر جونىندەگى باس مەنەدجەرى ە. مەرفي شەلل قازاقستان اۋماعىندا كومىرسۋتەك شيكىزاتىن گەولوگيالىق بارلاۋ تيىمدىلىگىن جانە قارقىنىن ارتتىرۋعا باعىتتالعان تۇجىرىمدامانىڭ نەگىزگى پرينتسيپتەرىن قولدايتىنىن حابارلادى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

وسىعان بايلانىستى، شەلل مينەرالدىق جانە مۇناي-گاز رەسۋرستارىن تۇراقتى تولىقتىرۋ جانە دايىنداۋ ءۇشىن جاعداي جاساۋ بويىنشا رەسپۋبليكا العا قويعان مىندەتتى تولىق قولدايدى.

«مۇنى ۇكىمەت، حالىق جانە ينۆەستورلار اراسىنداعى تىعىز ىنتىماقتاستىق ارقىلى عانا جۇزەگە اسىرۋعا بولادى دەپ ەسەپتەيمىز. ءبىز ءۇشىن تۇجىرىمدامانىڭ ۇكىمەتتىڭ جەر قويناۋىن پايدالانۋدىڭ نورماتيۆتىك-قۇقىقتىق بازاسىن ينۆەستورلار قۇقىقتارىنىڭ ساقتالۋىنا كەپىلدىك بەرۋ، ولاردىڭ كۇردەلى ينۆەستيتسيالارىن قورعاۋ، سونداي-اق اكىمشىلىك راسىمدەردى وڭايلاتۋ تۇرعىسىنان جەتىلدىرۋ جونىندەگى مىندەتىن، مىسالى، ينۆەستورلار ءۇشىن ء“بىر تەرەزە” قاعيداتىن ەنگىزۋ بولىگىندە ايقىندايتىنى وتە ماڭىزدى»، — دەدى ە، مەرفي.

ونىڭ ايتۋىنشا، قازاقستاننىڭ مۇناي جانە گاز ءوندىرۋشى ءىرى ەلدەر اراسىندا ءوز پوزيتسيالارىن جاقسارتۋ الەۋەتى بار، بۇل ءوز كەزەگىندە ەڭ وزىق تەحنولوگيالاردى ەنگىزۋمەن بەلسەندى گەولوگيالىق بارلاۋ جۇمىستارىنا ەلەۋلى ينۆەستيتسيا تارتۋدى تالاپ ەتەدى.

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار