قازاقستان • 18 اقپان، 2020

كەيبىر وڭىرلەردە مۇناي-گاز سالاسى قۇلدىرايدى

74 رەتكورسەتىلدى

قازاقستان مۇنايشىلار-گەولوگتارى قوعامىنىڭ پرەزيدەنتى ب. قۋاندىقوۆ ەلىمىزدە گەولوگيالىق بارلاۋدى دامىتۋ ماسەلەسى مەن تاسىلدەرىنىڭ وزەكتىلىگى تۋرالى بايانداما جاسادى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

ونىڭ ايتۋىنشا، تۇجىرىمدامادا رەسپۋبليكا ءۇشىن نەگىزگىسى مۇناي-گاز جانە مەتاللۋرگيا سالالارى ەكەنى، ونىڭ نەگىزى مينەرالدى بازا ەكەنى ەسكەرىلگەن.

«ەلىمىزدىڭ كەيبىر وڭىرلەرىندە مۇناي-گاز سالاسىنىڭ كەلەسى 10-15 جىلدا توقتاۋ قاۋپى تۋىنداۋى مۇمكىن. مۇناي-گاز سالاسىنىڭ ءال-اۋقاتى ءۇش الىپ تەڭىز، قاراشىعاناق جانە قاشاعاننىڭ ارقاسىندا قۇرىلادى. الايدا، ولاردىڭ الەۋەتى دە شەكتەۋلى. 20-30 جىلدان كەيىن بۇل مۇناي ءوندىرۋدىڭ تابيعي قۇلدىراۋىنا اكەلۋى مۇمكىن، سوندىقتان قازىردىڭ وزىندە گەولوگيالىق بارلاۋ جۇمىستارىن ماقساتتى تۇردە ارتتىرۋ، تەرەڭ كوكجيەكتەردى يگەرۋ ماڭىزدى»، — دەدى ب. قۋاندىقوۆ.

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار