قازاقستان • 18 اقپان، 2020

گەولوگيالىق بارلاۋ: 6 ترلن تەڭگەگە دەيىن ينۆەستيتسيا تارتىلادى

43 رەتكورسەتىلدى

پرەمەر-ءمينيسترى اسقار ءماميننىڭ توراعالىعىمەن وتكەن ۇكىمەت وتىرىسىندا 2021-2025 جىلدارعا ارنالعان گەولوگيالىق بارلاۋ مەملەكەتتىك باعدارلاماسى تۇجىرىمداماسىنىڭ جوباسى قارالدى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

ەكولوگيا، گەولوگيا جانە تابيعي رەسۋرستار ءمينيسترى م. مىرزاعاليەۆتىڭ ايتۋىنشا، ەلىمىزدىڭ مەملەكەتتىك بالانسىندا 8 مىڭنان استام كەن ورنى تىركەلگەن، ونىڭ ىشىندە 317 كومىرسۋتەك (مۇناي، گاز، كوندەنسات)، 910 قاتتى پايدالى قازبالار كەن ورنى، 3 مىڭنان استامى كەڭ تارالعان پايدالى قازبالار جانە 4 مىڭعا جۋىعى جەر استى سۋلارى كەن ورنى.

«سوڭعى ون جىلدىقتا شىعىس قازاقستانداعى مونوقالالارعا جاقىن ورنالاسقان – شەمونايحا، يۋبيلەينو-سنەگيريحين، ءزىريانوۆ ىرى قورعاسىن-مىرىش كەن ورىندارى تولىقتاي يگەرىلدى. 2025-2040 جىلدارعا تامان ورلوۆ، مالەەۆ، تيشين، ريددەر-سوكولنىي سەكىلدى كەن ورىندارىندا دا پايدالى قازبا قورلارىنىڭ تولىقتاي سارقىلۋى كۇتىلۋدە. بۇگىنگى تاڭدا قورلاردىڭ ءوسىم دەڭگەي كوەففيتسيەنتى قاتتى پايدالى قازبالار بويىنشا – 0،13، ال كومىرسۋتەك شيكىزاتى بويىنشا – 0،9 (قاشاعان كەن ورنىن ەسەپكە الماعاندا). سوڭدىقتان دا، جاڭا كەن ورىندارىن اشۋ جانە ونى ىسكە قوسۋ ءۇشىن، كەم دەگەندە 10-15 جىل ۋاقىت كەتەتىندىگىن ەسكەرە وتىرىپ، گەولوگيالىق بارلاۋ جۇمىستارىن قازىردەن باستاپ جانداندىرۋ قاجەت»، — دەدى م. مىرزاعاليەۆ.

 

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار