قازاقستان • 18 اقپان، 2020

دەنساۋلىق ساقتاۋ ءمينيسترى ەلوردالىق iKOMEK ورتالىعىنىڭ جۇمىسىمەن تانىستى

14 رەتكورسەتىلدى

قازاقستان رەسپۋبليكاسىنىڭ دەنساۋلىق ساقتاۋ ءمينيسترى ەلجان ءبىرتانوۆ iKOMEK قالالىق ورتالىعىنىڭ جۇمىسىمەن تانىستى. بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى. 

كەزدەسۋ بارىسىندا iKOMEK  ورتالىعىنىڭ باسشىسى جاننات ءدۇبىروۆا اكىمدىكتىڭ 1-0-9 قىسقا ءنومىرلى بىرىڭعاي بايلانىس ورتالىعىنىڭ جۇمىسىن تانىستىردى.

سونداي-اق BIG DATA قاعيداسىمەن جۇمىس جاسايتىن تالداۋ پلاتفورماسى، قالانى باسقارۋ پانەلى، قالاداعى جاعداياتقا مونيتورينگ جاسايتىن ءموبيلدى قوسىمشا، GPS-مونيتورينگ جۇيەسى، اكىمدىكتىڭ تيىمدىلىك كورسەتكىشتەرىنىڭ ۇلگىسى (KPIs) جانە اكىمدىك باسشىلارى: اكىم ورىنباسارلارىنىڭ، اۋدان اكىمدەرىنىڭ جانە باسقارما باسشىلارىنىڭ رەيتينگىسى سياقتى تسيفرلىق باستامالارمەن ءبولىستى.

دەنساۋلىق ساقتاۋ ءمينيسترى ەلجان ءبىرتانوۆ iKOMEK قالالىق ورتالىعىنىڭ جۇمىسىنا جوعارى باعا بەردى. كەزدەسۋ بارىسىندا مينيستر ورتالىقتى دەنساۋلىق ساقتاۋ سالاسىنىڭ 1406 بىرىڭعاي بايلانىس ورتالىعىمەن بىرىكتىرۋدى، سونداي-اق مەديتسينالىق قىزمەتتەردى ۇسىنۋ ساپاسىن ارتتىرۋ ءۇشىن ەلوردا تۇرعىندارىنىڭ دەنساۋلىق ساقتاۋ ماسەلەلەرى بويىنشا وتىنىشتەرىن تالداۋدى مينيسترلىككە بەرۋدى تاپسىردى.

ايتا كەتسەك، iKOMEK ورتالىعى ازاماتتاردىڭ وتىنىشتەرىنە جەدەل دەن قويۋ ءۇشىن ەلوردالىق مەديتسينالىق مەكەمە باسشىلارىمەن بەلسەندى جۇمىس جاساۋدا. 2019 جىلدىڭ قازانىنان باستاپ، باس دارىگەرلەر «iKOMEK109» ءموبيلدى قوسىمشاسىنا قوسىلىپ، ازاماتتاردىڭ وتىنىشتەرىنە مونيتورينگ جۇرگىزەدى.

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار